Page 9 - AWEM OCT 1

AWEMainta Diahuebs, 1 October 2015 9

Aeropuerto di Aruba
premia como aeropuerto
ehemplar pa promocion di

safety mundialmente

ARUBA Airport Authority N.V. (AAA) ta orguyoso di

comparti e noticia di su ultimo reconocimento mun-
dial: Aeropuerto di Aruba a wordo reconosi durante
e Asamblea di ACI World combina cu Latino America
y Caribe na Panama pa su contribucion n’e “Airports
in Excellence Program” (APEX) y pa ta un aeropuerto
ehemplar mundialmente den e area di promocion di
safety y implementacion di e mihor practicanan.
E premio a wordo otorga na Aeropuerto di Aruba su
COO Sr. Jurgen Benschop door di ACI World su General
Manager Sra. Angela Gittens dilanti di mas cu 620 aero-
puerto participante cu ta representa tur aeropuerto rond
mundo, incluyendo e ultimo COO di Schiphol Group Sr.
Ad Rutten.
Aeropuerto di Aruba ta participa activamente den e com-
ishonnan di ACI y sa asisti ACI ora di haci evaluacionnan
di APEX na diferente aeropuerto den nos region pa yuda
mehora safety.
“Pa un aeropuerto asina chikito wordo premia entre
aeropuertonan grandi rond di mundo ta un logro hopi
grandi. Nos mester ta hopi orguyoso di nos esfuersonan
pa promove safety na Aeropuerto di Aruba. E recono-
cimento aki ta reenforsa nos vision y ta asegura nos cu
nos ta riba e bon caminda pa logra un cultura di safety
dinamico. Awo nos ta wordo considera lider den pro-
mocion di safety.
Esaki no ta algo pa wordo tuma suave, pero como moti-
vacion pa mantene nos posicion entre esunnan grandi!”
asina Aeropuerto di Aruba su COO Sr. Jurgen Benschop
a bisa.