Page 17 - ATA FLIP 17 JUNE 2017

Oficina Central Di Estadistica Ta Presenta

Resultadonan Principal Di Indice Di Prijs Di Consumo

(CPI) Pa Luna Di Mei 2017

 Local
- 16/06/2017
E CPI pa luna di mei 2017 ta 116.88, loke ta representa un subida di 0.4% compara cu e
indice di april 2017 (116.42) y acumulando un caida di 0.9% te cu na mei di e aña aki.

E cambio di e CPI p’e ultimo diesdos (12) lunanan (Mei 2016 te cu Mei 2017) ta -0.1%,
un subida di 1.5 punto di porcentahe (ppt) compara cu e periodo corespondiente di aña
pasa (-1.6%).

E promedio anual di e tasa di inflacion p’e periodo di mei 2016 te cu mei 2017 ta -0.4%,
un subida di 0.1 ppt compara cu e -0.5% registra den e periodo di mei 2015 te cu mei
2016.

Durante e luna aki, ocho (8) di e diesdos (12) sectornan a registra subida di prijs.

E subidanan cu tabatin e mayor efecto riba e CPI a wordo registra p’e sectornan di
“Recreacion y cultura” (2.6%) y “Transporte” (1.1%), causando un efecto di 0.21 y 0.19
ppt, respectivamente.

E subidanan den e restante sectornan a contribui cu un efecto di 0.07 ppt riba e CPI di
mei 2017.

E subidanan aki a wordo contraresta parcialmente dor di principalmente caidanan den e
indicenan di e sectornan di “Cuminda y bebida no-alcoholico” (-0.2%) y “Mobilario” (-
0.4%), cu a contribui cada un cu un efecto di -0.03 ppt riba e CPI di mei 2017.

E caida den e sector restante a contribui cu un efecto di -0.02 ppt riba e CPI di mei 2017.

E subida den sector di “Recreacion y cultura” a wordo causa dor di un subida di 36.2%
den e categoria “Vacacion”, causando un efecto di 0.25 ppt.