Page 2 - AVB
P. 2
28 AWEMainta Dialuna, 12 Juni 2017
Diasabra awor ta cuminsa weganan final “Best out of 3”
RCA y Deportivo Nacional lo
bataya pa titulo di campeon
Den division di honor di Arubaanse Voetbal Bond
E campeonato di play-off 2016/2017 a termina diabierna
nochi. E dos ekiponan cu lo topa otro den final e biaha aki
lo ta RCA y Deportivo Nacional. Sport Vereniging Racing
Club Aruba (RCA) a titula campeon aña pasa, pues lo haci
tur lo posibel pa e mantene su trofeo.
Deportivo Nacional a titula campeon den e campeonato
2006-2007, pues 10 aña pasa.
Diahuebs anochi, RCA a sorprende Britannia cu un victoria
di 1-0 cu gol di Jean-Luc Bergen.
Na diferente ocasion ambos team a busca pa pasa defensa
pero na final RCA a bay cu e victoria.
Diabierna anochi, tabatin presion riba Dakota y Deportivo
Nacional pasobra ambos team kier yega final. Den e prome
10 minuut Dakota a bay ariba cu gol di Emile Linkers,
mientras cu faltando algun seconde prome cu e mita tempo
termina, Roy Francis Albert a empata e wega.
E wega a termina empata y esaki a pone cu pa averahe di
gol Deportivo Nacional a pasa pa final.
Diasabra, 17 di juni proximo, e prome wega di “Best out
of 3” di e final lo tuma luga, unda RCA lo ta defendiendo
su titulo contra Deportivo Nacional. Fanaticonan yega sta-
dion diasabra anochi y mira ken lo bay cu e prome victoria.
