Page 4 - AVB
P. 4
34 AWEMainta Dialuna, 12 Juni 2017
Minister dr. Alex Schwengle cu un logro historico
Henter sector di cuido
a firma codigo di
“Good Governance”
Lo traha hunto riba diferente area pa promove eficiencia,
transparencia y pa baha gasto
LOCUAL a parce di tabata imposibel a bira un re-
alidad diasabra mainta ora cu henter e sector di cuido
a firma un acuerdo cu otro den cual ta confirma di lo
aplica reglanan di “Good Governance” den nan organ-
isacion. E acuerdo ta encera cu partnernan den cuido
medico lo traha mas uni, den un esuferso pa promove
mas eficiencia, transparencia y pa baha gasto.
Minister Dr. Carlos “Alex” Schwengle tabata masha
orguyoso di e logro aki, cu ta encera un miho fun-
cionamento y cooperacion entre Minister di Salud
Publico, AZV, Hospital, IMSan, SABA, Fundacion
Cas Marie, Club Kibrahacha y Wit Gele Kruis.
Esaki ta di dos codigo di conducta cu e mandatario
a logra firma cu partnernan den e industria, e prome
tabata algun siman pasa cu organisacionnan di de-
porte y awor ta cu organisacionnan di cuido. Den e
codigo firma no ta stipula unicamente e reglanan di
wega, kico cada partido mester tene nan mes na dje,
pero tambe ta garantisa den cierto forma cu ta aplica
e reglanan aki tambe. Tanto bal tin acuerdo pero no
ta cumpli cu nan, pues cu e codigo di conducta aki
di bon gobernacion ta purba promove e union aki
mas tanto posibel.
Na final mayoria di esunnan presente a elogia e logro
aki masha hopi y a expresa deseo cu mas organ-
isacionnan, no solamente den Gobierno, tambe uni
nan mes na e tipo di acuerdonan asina den cual na
final e comunidad y clientenan lo sali e gran ganado.
