Page 10 - RDA

E motibo cu Gobierno a duna luna pasa tabata pa coregi un maneho di aña 2007. Den nos concepto,
no por coregi un maneho di 2007 na aña 2018. Ta trata aki di un maneho nobo unda lo aumenta
accijns cu 10 cen. A confirma esaki den presupuesto, asina Parlamentario Arends a bisa. Aruba a

haya e prome aumento di 2 cen riba accijns. E luna aki e prijs di combustibel riba mercado
internacional a aumenta sin cu a aumenta accijns. Pero por spera cu den e proximo lunanan cu
Gobierno lo sigui aumenta accijns como cu presupuesto 2018 ta tene cuenta cu un entrada di 10

miyon di florin, ekivalente na un aumento di 10 cen di accijns..

Esaki ta algo cu a spera di dje, unda partidonan den Gobierno a boga pa tanto transparencia y tambe
reduccion di prijs di gasolin, lo tabata hopi mas transparente pa pueblo pa loke ta trata e aumento di

impuesto aki di cual ta calcul’e riba e volumen. Cu e aumento di 10 cen, Gobierno lo genera un
entrada adicional di 10 miyon florin sin conta e aumento di BBO y BAZV riba e prijs di combustibel.
E aumento di BBO y BAZV riba e cadena di consumo, e cadena di compra y benta entre e mayorista

y detayista di gasolin, tambe ta trece un otro 10 miyon florin mas den caha di Gobierno. Aki ta papia
di aumento di accijns combina cu aumento di BBO y BAZV di 2.5% ta suma 20 miyon extra pa caha
di Gobierno.

Parlamentario Richard Arends ta indica cu a pasa tur esaki sin anuncia oficialmente di un manera
transparente como parti di e pakete di medida. Esaki ta 10 miyon riba un base anual. Dus nos por
spera cu pa e resto di lunanan nos dilanti un aumento di 8 cen di accijns, irespecto di e prijs di

combustibel riba mercado internacional.

Por mira cu di un manera scondi a aumenta accijns bou di e pretexto di recupera y coregi un maneho
di 11 aña pasa den combinacion di e aumento di BBO y BAZV di 2.5%. Aki ta papia na un impuesto
nobo cu ta genera un entrada di 20 miyon florin pa Gobierno.

Bou Gobierno di AVP no a coregi esaki, pa motibo cu a introduci’e desde aña 2007. A introduci
esaki memey di e crisis pa asina wanta e shocknan cu nos tabata biba den dje constantemente di prijs

di gasolin. “Awor cu Bo ta den Gobierno, Bo ta opta pa pasa e efecto di e crisis aki bek pa pueblo.
Nunca Gobierno di AVP a mishi cu e reduccion ey, nos a tum’e como ‘given’ y awo ta sorprende nos
cu Gobierno actual ta papia di un coreccion di un maneho di 11 aña pasa”, asina el a indica. Pa
Fraccion di AVP, esaki tabata pasado, pero na momento di bin cu un aumento di accijns ta papia

netamente di un maneho nobo.

Post Views: 10