Page 41 - MIN VOS JULY 11

DEPORTE B3
Diasabra 11 Juli 2015

Weganan Pan Americano Toronto 2015:

Kyra Hoevertsz y Anouk Eman na di ocho luga den duet tecnico

TORONTO- Diahuebs
merdia e Weganan Pan
Americano 2015 oficial-
mente a inicia pa nos
Team di Aruba, esaki den
e deporte di landamento
sincronisa na Toronto,
Canada ora cu e duet di
Aruba, consisti di Anouk
Eman y Kyra Hoevertsz
a mira accion den e ru-
tina tecnico esaki den e
Centro Acuatico di CIBC.
Mester bisa cu Hoevertsz
y Eman a landa den un
elenco hopi fuerte, e miho

11 duetonan di e conti-
nente America.

Den e rutina tecnico e dueto
di Aruba mester a landa shete
elemento den dos minuut y
cincuenta seconde. E lan-
dadonan di Aruba a start e
competencia como number
seis. Mester menciona cu
e dueto di Aruba a duna un
tremendo presentacion unda
nan a termina na un di 8 luga
cu un puntuacion total di
74.4087, unda e huesnan a
score pa ehecucion 23.0000,
pa impresion 22.2000 y pa
elemento 29.2087. Cu esaki
aki Hoevertsz y Eman a ter-
mina cu diferencia minimo
y hopi cerca tras di e dueto
Venezolano cu a keda na di
shete luga.
E dos landadonan elite den e
deporte di landamento sin-
cronisa bou guia di coach
Lori Eaton a landa den bon
forma y tabata satisfecho cu
nan presentacion. Cu e posi-
cion number ocho e dueto
di Aruba, Kyra Hoevertsz y
Anouk Eman a laga paisnan
grandi nan tras manera Gua-
temala, Cuba, Costa Rica y
Chile

Na di prome luga a keda e
dueto di Canada sigui pa
Mexico y USA kendenan a
keda cu respectivamente na
di dos y tres luga. E atletanan
Anouk y Kyra lo competi di-
asabra awo den e rutina liber
cual lo bira nan di segundo
evento. Ta bon pa bisa acerca
cu e puntuacion di rutina
tecnico y e rutina liber ta ser
conta hunto pa asina saca e
puntuacion final.

Aña pasa den e Weganan
Centro Americano y del Ca-
ribe na Veracruz, Mexico,
Kyra Hoevertsz y Anouk
Eman a logra medaya di
brons den e rutina liber. Un
palabra di pabien sigur ta bay
na e dueto di Aruba kende-
nan a logra un di 8 luga den e
rutina tecnico.q