Page 21 - 05May2022

DIAHUEBS 5 MEI 2022 DIARIO PAGINA 21

Speedworld cu bo amigo
Hubert ‘Furai’ Tiel, awe
kier a mustra riba algun
trabao fenomenal cu Kip
ta haci.
Diadomingo tabata e
dia tan spera, caminda
Kevin Hassel, conoci
como Kip, lo a organiza
un atardi cu diferente
actividad, entre otro
Car and Bike show, pa
asina recauda fondo
pa tanto e sali busca
su salud y adhunto un
atardi di donacion pa
recuperacion di Shamir.
Lamentablemente e
evento aki a haya un
sabor amargo segun
Kip, ya cu riba e mesun
fecha aki, a organiza
caredanan di Street
Legal combina cu point
series, cu a percura cu
esnan cu lo a bin show
nan brommer y auto, a
prefera di bay bataya pa
nan point series.
Pa colmo tur esnan
cu no tin nada di bay
core pa point series,
no a ni sikiera pasa
haci nan donacion pa
Shamir, cu mester di tur
e sosten posible den e
momentonan, despues
di tabata envolvi den un
accidente, cu a coste su
pia.
Kip ta sigui conta, cu
esaki sigur tabata un sla
hopi duro pa e famia, cu
sigur a conta cu e apoyo
y sosten di e pueblo
di Aruba, pa cu e bon
causa aki y specialmente
mirando cu Shamir ta
un hoben, cu semper
tabata para cla yuda ken
cu ta. Ta di spera cu si
ainda tin hende cu por
y kier yuda Shamir, pa
haci esaki. Corda cu e
palabra di Dios ta bisa,
yuda bo prohimo, pa
Dios yudabo.