Page 19 - DIMP

Parlamentario Jennifer Arends-Reyes (AVP) Reforma

Fiscal Ta Basicamente Mas Aumento Di Impuesto

 Featured

 Politica
- 11/03/2020

Segun sra. Jennifer Arends-Reyes realidad ta cu Aruba ta ‘overtaxing’ tur cu ta purba
biba dignamente na Aruba cu consecuencia cu Aruba su costo di bida a bira
desproporcional na locual cu ta entrada di famianan na Aruba cu tur su consecuencianan,
awor e balans ey ken ta responsabel pa mantene?

E gran Reforma Fiscal e resulta di ta un pakete di medida cu ta beneficia Gobierno so.

Entradanan presupuesta cu mester drenta den e proximo 8 lunanan ta e.o. 15 miyon na
permiso pa cultiva cannabis cual ta mustra mas un stunt politico cu francamente no ta
mustra realisabel, caminda Gobierno practicamente ta bira dealer di ‘droga’ ilegal of lo
mester decrimalis’e pa plantacion p’esnan cu ta dispuesto pa paga sumanan miyonario so,
aumento di 6% di BBO na entrada, aumento di haci negoshi basa riba importacion y
foreign exchange, cual 99% di tur nos productonan ta importa sin lubida e e-commerce
cu ta algo cu Aruba tabata kier a continua di amplia, awor ta wordo desencurasha
fuertemente.

E inflacion y costo di bida lo bolbe subi of e negoshantenan lo absorbe un aumento mas?
Hecho ta cu costo di bida lo aumenta y ta parce cu sindicatonan a ‘give up’ despues cu
nan no ta haña oido y no a continua mes mas pa busca derechonan di nan miembronan.