Page 20 - DIMP

E cifranan di problemanan social a aumenta durante e ultimo añanan di gobernacion di
MEP-POR-RED y e fondonan no ta yega ni cu 36 miyon pa inverti si e cifranan ta mustra
aumento enbes di reduccion.

E veld social no por yuda optimal siendo cu famianan ta pasando den temponan dificil.
Por tum’e criticanan real aki con cu kier pero tur locual cu AVP a bin ta vocifera y
premira di lunanan adelanta ta pasando awor t’e ora pa Parlamento para e desaster entre
otro di exigi 35 miyon di ATA sin conta si lo pidi di fondonan di emergencia tambe y
riba dj’e kier cambia ley pa ATA y AHATA nan man ta bon mara y nan a haña como
stakeholdernan principal un ‘slap in the face’ cu nan no tin mucho mas di bisa riba e
rumbo di turismo.

E ta un ‘fast ball’ di Gobierno actual mirando cu AHATA a duna ATA e confiansa pa ta e
autoridad encarga cu mercadeo di nos turismo y awor Gobierno ta pone metaforicamente
bisa tur dos sinta den un huki pareu, cortando riba mercadeo y aumentando tur costo mey
mey di un ‘perfect storm’ cu efectonan devastador pa nos na Aruba cu ta depende di
turismo sra Arends-Reyes ta termina bisando.