Page 2 - HOH

DIALUNA 18 SEPTEMBER 2023 DIARIO PAGINA 11
Diasabra inespera a core cambia
un transformer na Morgenster

ORANJESTAD (AAN): Riba Diasabra den oranan di
mainta, personal di NV Elmar a haya nan obliga pa re-
emplaza un Transformer poni na un palo di luz den area
di Morgenster riba caminda grandi di Oranjestad pa San-
ta Cruz.
Sinembargo NV Elmar a busca tur su personal ex-
perto, linemen, y a prepara tur cos pa asina haci e cam-
bio di transformer uno rapido. Sin perde tempo, nan a
desconecta coriente pa e casnan den e area, y mesora a
cuminza cu kitamento di waya, los scruf, y cu ekipo pisa
a baha e transformer problematico, y despues hisa uno
nobo y cu mihor capacidad.
Cu e bon coordinacion aki, personal di NV Elmar a sa
di interumpi e servicio di coriente lo minimo posible.
Despues di instalacion, mester a keur e sistema, y ya pa
11:45 am, coriente a wordo conecta bek. Un fenomenal
trabao sigur di e compania di electricidad.

Diasabra awor lo tin expo

di salud na Aruba

ORANJESTAD (AAN): Tur cos ta cla pa Diasabra awor,
tin e asina yama ‘EXPO: Promove Salud y Bienestar”. E
ta un evento organiza pa Gobierno hunto cu DVG Aruba,
Plataforma Promocion di Salud, y mas.
E evento mes lo Diasabra, dia 23 di september, for 10’or di
mainta te 4’or di atardi, na Renaissance Convention Center.
E tema di e aña aki ta e promocion di salud y actividad
fisico na trabao! Lo tin mas di 35 organizacion participando
cu informacion valioso over di salud, actividad fisico y salud
mental. Lo tin boothnan informativo, y tambe chekeo gratis.