Page 25 - KPA FLIP

Dump na candela atrobe intencionalmente

Publication: Thursday, 11 February 2016. Categoria: General

ORANJESTAD (AAN): Diaranzon mainta trempan prome cu solo sali e huma preto tabata bai halto banda di Dump.
A resulta cu tirenan, Frigidaire, plastic y otro cosnan toxico a wordo cendi na candela atrobe. Polis tambe a wordo
avisa pasobra a drenta informacion cu probablemente ta trahadornan di Serlimar mes a cende esaki. Polis di Santa
Cruz a yega eynan.
Oficialmente no por a saca afo kende a cende e candela. E bisiñanan si ta basta cansa di e situacion aki. For di un
distancia hopi leu tabata mira e huma preto. Pa colmo tabata tin varios crusero drentando nos waf y esaki tabata un
mahos bista. Pa algun aña bisiñanan ta canando tur caminda posibel pa asina haya yudanza pa e problema.
Gobiernonan ta bin y gobiernonan ta bai pero sin solucion pa Dump. E reaccionnan riba rednan social dimes tambe ta
hopi cla riba e situacion aki. Cualkier persona cu mira esaki ta kere cu ta un disaster a tuma lugar. E daño na medio
ambiente ta hopi grandi cu e tipo di actuacionnan asina. Na porta tin un security y e no sa kico a pasa. Parce algo
pasa di 6or tin algo a pasa riba e tereno y djey e candela a cuminsa.
E security cu no sa di nada ta core bisa solamente cu lo ta e Colombianonan di barco. Na Dump tin un maneho
bruha unda yen di hende bruha ta subi. Ora bo bin tira sushi mes nan ta casi saca bo bida pa haya tur
informacion. Eyriba tin hende ta cana cu no mag di ta eyriba. Tin hende ta cana piki delaster un porkeria y si bo
reclama nan ta cla pa kima Dump cende cos na candela. Basta fastioso e situacion ta.

http://www.diario.aw/2016/02/dump-na-candela-atrobe-intencionalmente/