Page 27 - KPA FLIP

Reaccion di tur Polis tabata rapido pa por a gara e preso fugitivo den tempo record

Publication: Thursday, 11 February 2016. Categoria: Policial
Kenneth Phillips:

ORANJESTAD(AAN): Kenneth Phillips tabata un motor tras di e detencion di e prezo cu a huy, pero tambe su
ayudante. E movecionnan cu el a haci, e team cu el a prepara rapidamente a conduci na detencion.
El a conta cu pa 12 y 50 a haya melding cu prezonan a scapa for di KIA. Di biaha el a worde yama, aunke cu e
tabata den su dia liber. Tin hopi melding aden di hopi hende cu a waknan subi auto, pero esun tecnico tabata ora cu
e security na di Valero a geef aan, cu nan a wak dos hende cu e descripcion cu ta cuadra, ta canando den e tereno di
Valero. Di biaha a laga varios unidad drenta paden pavia cu e ora ey tabata un tip di oro. Mayoria cu tabata pafo a
worde manda paden, pa asina cuminsa cu un zoekactie den Valero mes.
Phillips a comenta cu tin mas investigacion tin cu worde haci na unda cu nan a drenta, sea cu ta via hekwerk di
Valero of via un buraco.
Manera cu a haya e informacion, nan a tende sirena ta biniendo den direccion di Valero, na a purba di bay pa lama.
Eynan tambe tabata tin Kustwacht y Maritiem Politie, cu tambe a tene nan pafo pa cualkier eventualidad.
E reaccion tabata rapido y Phillips ta felicita e cuerpo henter, cu den un quick response, a bay ariba pa duna un man
y a bay hopi coordina cu por a logra haya e sospechoso y su ayudante.
E dos personanan aki no kier a divulga mucho cos. Den investigacion lo sali na cla kico tur nan a prepara pa e
huymento aki, segun Phillips.