Page 43 - MIN VOS 3 MAART 2016

Entrante 1 di Mei dokter Rivera no lo ta atendiendo
pashentnan di AZV mas

on: March 02, 2016In: LocalNo Comments
Print Email

Entrante dia 1 di Mei, internista dokter Rivera, no lo ta atendiendo pashentnan di AZV mas, esaki
segun vocero di AZV, Solange Tchong.
E ta sigui splica cu AZV a wordo notifica cu e plan no ta bay door y esey tabata un tiki lastima
pasobra AZV si a yega na e conclusion cu no por lag’e traha independiente, pero a wordo notifica e
ora cu Hospital tampoco lo no por bay tuma e specialista aki mas den servicio.
Eigenlijk esey tabata e banda di medaya di AZV y di cual ta pensa tambe cu e lo ta bon of na su
luga pa e ora Hospital duna di su banda e motibonan pakico nan ta pensa cu e no ta apto of bon pa
tuma su persona e ora den servicio.
Den opinion di AZV, tur partido por a bay den combersacion, esta por a negocia, si tabata asina cu
na AZV su parecer tur cos tabata mustra cu combersacionnan ta den marcha y cu esaki lo a yega
na un solucion na unda cu berdad dr. Rivera lo por a traha bao di supervision di hospital y dus den
hosptal. Sinembargo esaki no a tuma luga.
Pa loke ta banda di AZV tabata duidelijk si cu a base di datonan cual a compila, a base di un
trayecto cu a actua cautelosamente, pesey mes a bay den combersacion cu e dokter. Por bisa cu
esey tabata ongeveer intensivamente ultimo dos añanan cu tabata hopi mas intensivo den
combersacion cune y atrobe pa loke ta e banda di AZV por a conclui sigur cu e no ta bon y pesey ta
termina contracto cu dr. Rivera entrante 1 di Mei e aña aki.
Normalmente ta renoba contratonan cu un dokter. E departamento encarga pa cumpra cuido ta na
encargo di esaki. Den e trayecto aki ta keda den combersacion cu specialistanan, pasobra nan
mester sa tur kico e ta haciendo. E deseo di AZV semper tabata tambe cu dado momento por bisa
specialistanan cu ta traha hunto. Gruponan por ehempel cu Ginecologia a purba esey cu ya caba
nan ta forma un grupo. Cu e grupo di internistanan tambe ta purba di yega na esey. Den pasado a
bisa cu e ta hopi mas miho ora cu nos specialistanan ta traha mas hunto. Ta colabora mas hunto.