Page 48 - MIN VOS 3 MAART 2016

“audit” ta un analisis di e organisacion pa determina si ta maneh’e sano y si e placa pa operacion ta
suficiente y si e fondonan ta wordo uza na un manera adecua. Minister Schwengle a expresa cu e ta
hopi contento cu Canadian Bank Note ta hopi habri pa renegociacion di e contract.
CBN a laga sa di ta interesa tambe den aporta na otro bon causanan relaciona na deporte na Aruba.
Entre otro Gobierno a expresa e intencion di yega na un “beach stadium” y un “Olympic Swimming
Stadium”, cual ta e encera e expansion di e pool Olimpico na Savaneta, segun Minister Schwengle a
splica.
Miembro di directiva y alabes vocero di Fundacion Lotto pa Deporte, mr. Benvinda de Sousa a
splica cu e partnership entre FLPD y CBN a crece na 2011 cu e contract nobo y cu e renegociacion
ta bay delinea aspectonan di e “management agreement” miho, pa purba yega na un miho
participacion y miho terminonan pa FLPD y finalmente pa cu deporte na Aruba. A yega na otro riba
casi tur punto.
Ta obvio cu Lotto ta bayendo hopi miho cu antes y ta reina trankilidad den e fundacion. E enfoke ta
riba trabao, aumenta ganashi y aumenta e participacion den e parti di ganashi ey pa cu deporte na
Aruba, De Sousa a expresa. El a añadi cu e tin pleno confiansa cu e parti cu ta bin pa deporte di
Aruba ta bay bira cada biaha mas grandi.
Caribbean Bank Note ta trahando cu Fundacion Lotto pa Deporte desde 1999 y nan ta orguyoso di
por ta anfitrion di delegacion di Aruba y ta sperando di bishita Aruba den e siguiente lunanan pa
finalisa e asuntonan cu a combersa riba dje, asina e Chief Financial Officer di Canadian Bank Note,
Craig Bascombe a laga sa. E obhetivo principal di CBN ta pa opera e loteria cu transparencia,
integridad y pa genera placa pa bon causanan na Aruba. E comunidad di Aruba lo nota cambionan y
proyectonan nobo tambe, el a agrega.