Page 32 - MIN VOS

Bunita Apertura di Champ of the Champs HEINEKEN dedica
na baluarte Bibiano Croes

Wednesday, 05 July 2017 10:58
1
Comparti

Champ of the Champs e prestigioso torneo di softball competitive international tabata tin un aperture fenomenal fin
di siman. E aña aki Champ of the Champs a wordo dedica na baluarte Bibiano Croes.
Durante ceremonia official despues di a scucha e tononan di nos himno di Aruba dushi tera presidente di Aruba
Softball Bond Sr. Endy Croes a hiba un speech formidabel gradiciendo tur equiponan international, atletanan pero
tambe sponsersnan manera Heineken y Banco di Caribe pa nan sosten ma e projecto aki. MC Poy Flanegin a
continua lesando CV di Bibiano Croes kende a hunga y maneha weganan di softball desde anja 1971 aportando mas
di 30 aña na e deporte di softball cu hopi éxito. Despues di a entrega Bibiano Croes su plakaat como recuerdo Sr
Carlos Araujo di Republica Dominicana a pidi MC Poy palabra y na un manera sorpresivo a hasi entrega di un cuadra
masha masha bunita na Endy Croes den nomner di Republica Dominicana como muestra y aprecio pa trabownan
duro hasi na deporte di softball. Un sorpresa cu a jena cancha di Dragon Hitters cu bastante emoción. Despues
Bibiano Croes a lansa e promer bala unda Carlos Araujo a fungi como bateador simbólicamente dunando e apertura
oficial di Champ of the Champs 2017. Un torneo cu e aña aki a cumpli 11 aña di existencia cual a traha su nomber
international y local di un nivel hopi competitivo cu su ambiente único. Pabien un biaha mas na baluarte Bibiano
Croes y sigur un palabra di gratitud na Sr Carlos Araujo kende den nomber di Republica Dominicana a bini Aruba y a
sorpresa Endy Croes cu un bunita reconosemento. Champ of the Champs único den su estilo.Adhunto por aprecia
diferente potret di momentonan bunita.

Oficialnan Ronald Leito y Mayens Tromp ta representa
Aruba na Competencia di CCCAN na Trinidad & Tobago