Page 33 - MIN VOS

Comparti

Conforme regla di FINA, e organisashon CCCAN tin su competencia cu a tumando lugar na
e isla di Trinidad & Tobago for di 28 juni 2017 te cu 2 juli 2017.
E competencia ta uno clasificatorio pa Mundial Budapest 2017, y Aruba tin
representacion di Ronald Leito y Mayens Tromp, ambos oficial certifica pa FINA.
Mayens alaves ta miembro di Comicion Tecnico di Landamento di CCCAN.
E Secretaria General di CCCAN, Maureen Croes y e presidente di Comicion Tecnico di
Synchro di CCCAN, Stella Leslie, ambos di pais Aruba, ta presente pa forma parti di e
organisacion di e competencia aki cu ta conta cu diferente atletanan di Caribe, di
America Central y di Sur America. E competencia aki ta di un nivel halto.
Arubaanse Zwembond ta hopi orguyoso pa tin representante den e organisacion y tambe
den participacion den landamento y den synchro y ta desea oficialnan y tur landarnan
hopi exito.

Mas bon wega di baseball clasico 40+ pa Juli 8, 2017 den
Stadion Joe Laveist

Fanaticonan di bon wega di Baseball, weganan di nos Clasico 40+ o sea nos Veterano nan ta sigui diasabra awor Juli
8, 2017 den Stadion Joe Laveist, nos ta pariba na San Nicolas.
Schedule ta como lo siguiente:
10:30 AM: S.N. Unforgettables vs ATCO Richmond
1:00 PM: ECOTEC Leftovers vs Salo Park
3:30 PM: Marlboro Classics vs Surprise Bombers
Invitacion ta wordo extendi na tur Fanatico di bon Baseball pa yega sin falta, ENTRADA ta GRATIS. Lo tin un Bar y
Cushina bon surti manera custumber y bon musica pa nos pasa un dushi diasabra hunto.
Tambe Comision di Baseball Clasico Aruba 40+ ta trece na conocemento di fanaticonan, famia di peloteronan cu nos
tin cuponan habri pa acepta officials como Umpires y Scorers. Pa inscribi por whatsapp na cellular 7463515 of email
na baseballclassicoaua@gmail.com y puntra pa mas informacion. Ta abo falta pa engrandece Baseball Veterano na
Aruba hunto den union cu nos Comision existente.