Page 31 - MIN VOS DEC 29,2015
P. 31
AWEMainta Diamars, 29 December 2015 13
Clientenan di
Sonrisa a keda
sumamente
contento cu un
almuerso di
Pasco
organisa dor di Rotary Club di Aruba
DIASABRA dia 19 december ultimo, miembronan di
Rotary Club di Aruba a organisa un exitoso almuerso
di Pasco pa tur e clientenan y personal di asociacion
Sonrisa.
Un total di aproximadamente 100 cliente di asociacion
Sonrisa tabata presente na Centro di Sonrisa na Pavia y
den un ambiente festivo di Pasco y cu musica di grupo
di Gaita, a disfruta di e dia special aki.
Sonrisa ta un asociacion di mayor di un persona cu un
limitacion mental. Vision di Sonrisa ta pa e persona cu un
limitacion mental haña e oportunidad y escogencia den
eleva nan posibilidad mental, social, fisico y economico.
Dor di haci esaki, e persona por obtene y conserva un
lugar decente den comunidad y asina por ricibi un trato
igual y husto.
Den cuadro di maneho di Rotary Club di Aruba pa
sostene gruponan cu necesidad special den comunidad,
a dicidi di organisa e evento special aki pa Sonrisa.
Directiva di Rotary Club di Aruba kier a gradici e personal
y directiva di asociacion Sonrisa pa nan cooperacion n’e
proyecto aki.
Tambe kier a gradici tur miembro di Rotary Club di
Aruba pa nan sosten y participacion n’e bunita proyecto
aki.
