Page 32 - MIN SOC

SEPPA: Servicionan Social na Aruba ta den
crisis??

Wednesday, 16 March 2016 18:42

Comparti

Seguridad ta un di e necesidadnan humano mas basico.

E proteccion di e hende contra adversidadnan di bida, accidentenan, enfermedadnan, desempleo, biehes
y su consecuencianan amenazante pa e existencia humano tabata lo ta preocupacionnan importante. Pa
miles di anja, e hende a recuri principalmente na famianan pa ayudo den situacionnan asina, di e mesun
manera cu ainda e ta sosode tambe den actualidad na hopi parti di mundo.

Ta pesey mes ta importante pa tin un vision amplio di servicionan di salud y social cu e fin pa por destaca
su rol berdadero den e provision di seguridad. Nan ta e medio atrabez di cual hopi obhetibonan social por
ser alcanza: igualdad , provision di seguridad financiero pa periodonan di malesa, desempleo, biehes y
cuido di muchanann, vivienda y servicionan di empleo. Por lo tanto servicionan social ta ser defini
principalmente pa inclui servicionan di asistencia social, servicio na nos grandinan, na esnan incapacita,
na mucha y hobennan vulnerable, servicio di alohamiento y vivienda, mercado di trabao y di
empleo/desempleo, hubileo, programa di mantencion di nivel di ingreso, seguridad social, seguro social
y servicionan comunitario. Pues, Servicionan social ta cubri areanan diferente.

E tumamento di decisión collectivo, e compromiso collectivo y e responsabilidad collectivo ta un parti
integral di e democracia. Y e actividad colectivo aki ta ser hiba p’adilanti di un forma mas equitativo
atraves di organismonan publico adecua y responsable.

Ta pesey mes, recursonan pa servicionan social NO por wordo mira como un inversion a corto plazo sino
como un inversion di largo alcanze. Un inversion cu por preveni consecuencianan politico, economico y
social adverso, cu ta ser produci inevitablemente den un sociedad poco compasivo y cada dia mas brutal.

Nos mester lucha pa servicionan social pa:

Ø Preveni pobreza, actuando na tempo, y no solamente pa alivia esaki despues cu ya esaki a keda
produci;
Ø Provee un seguridad genuino contra desempleo, enfermedad, biehes, discapacidad, vivienda,
etc..
Ø Responde na e necesidadnan di tur, riba un base di beneficionan adecua reconoci y paga como
un derecho;
Ø Forma parti di un serie di medidanan pa ora di partición di rikeza pa esakinan sosode na un
manera mas husto;
Ø Forma parti di un provision social general, combina cu politicanan pa combati desempleo,
salarionan abao y pa promove salud, educación y vivienda;
Ø Trata hendenan como individuo, reconociendo y respetando su necesidadnan specifico;
Ø Reconoce e responsabilidad colectivo di e sociedad na e muchanan, y esnan cu mester di
cuidonan especial;
Ø Permiti e acceso equitativo y promove trato igual na tur independientemente e razo, estado
civil u orientación sexual;
Ø Crea un administración eficiente y respetuoso;