Page 18 - MIN ON 22JAN,2016

"Nos ta hopi contento cu a tuma inicitiva pa bini cu e EXPO Hoben y Talentoso na nos scol"

Recientemente e EXPO Hoben y Talentoso a yega e prome scol pa asina nos alumnonan na
Aruba scra conoci cu e rolemodelnan cu den pasado a wordo reconoci den e bunita proyecto
Hoben y Talentoso. Colegio San Nicolas tabatin e honor di a bira e prome scol unda e EXPO
Hoben y Talentoso a wordo exponi.
Director di Colegio San Nicolas, sr. Goedgedrag a hiba palabra yamando tur presente un
caluroso bon bini. "Esaki berdaderamente ta un tremendo iniciativa di Minister President pa bini
cu e proyecto Hoben y Talentoso, unda ta reconoce nos talentonan local cu ta briya den e
diferente areanan". E mes tambe ta kere den tipo di proyectonan asina caminda e rolemodelnan
ta pega cu cas di e alumnonan di scol. Awo e alumnonan por cera conoci cu e bida di cada un di
e hobennan talentoso, esaki sigur lo ta un extra motivacion pa e alumnonan traha duro pa logra
nan metanan. Tin varios alumno y ex-alumno di Colegio San Nicolas antes Colegio Pariba cu ta
aparece den e tres edicionnan di e buki Hoben y Talentoso. Como scol nan ta sumamente
orguyoso di nan alumnonan. Director Goedgedrag tabata masha agradici cu a scoge Colegio San
Nicolas pa host e prome EXPO Hoben y Talentoso escolar pa asina un y tur por pasa admira
esaki.
Finalmente el a felicita e miembronan di Comision Hoben y Talentoso cu e bunita proyecto y pa
nan sigui cu e bon trabou desplega pa nos hobennan talentoso di Aruba.

- See more at: http://www.sportpicsaruba.com/nos-ta-hopi-contento-cu-a-tuma-inicitiva-pa-bini-cu-e-
expo-hoben-y-talentoso-na-nos-scol/1643#sthash.cOfwyXTD.dpuf