Page 28 - ATA

Preocupacion

Ultimamente a lanta hopi organisacion cu no ta ni registra na camera di comercio y ta

haci certamen of manda representante den exterior na certamenan no popular unda 8 of 9

pais ta participa y esaki ta trece cun’e, cu ora un organisacion serio di tal magnitud ta sali

y busca ayudo y sponsor, ya e otro organisacionnan aki a pasa bo dilanti y no tin e ora pa

e certamennan mes, cualnan ta Miss Mundo, Miss Universo, Miss International y Miss

Earth.

Y asina ta haci e trabou pa manda un representante di Aruba na un di e 4 certamenan aki,

dificil pa participa, sigur cu un di e certamennan aki, ta incera hopi trabou, preparacion y

placa.

E representante por ricibi yudansa di su famia of amistadnan den cierto cosnan, pero e

detayenan di mas grandi y importante, e organisacion mester por conta cu apoyo di

Gobierno, Oficina di Turismo y Comercio pa asina e por cubri e gasto di por ehempel,

pasashi, franquicia trahe di gala y fantasia.

Na momento cu e yega na e pais cu e certamen ta tuma luga ta Aruba e ta representa, y si

algo bay no mucho bon, ta Aruba su nomber ta ser perhudica.

E certamenan aki ta haya masha hopi acogida y atencion, y sigur ta hacinan mas curioso

pa conoce tur e candidatanan mas di cerca, y sigur cu cobertura di prensa internacional.

Aruba su maximo representantenan como embahadora ta propaga pais Aruba no

solamente cu su presencia pero tambe entregando flyers y papia di tur cosnan bunita cu
nos pais tin pa ofrece y nos ta e pais di mas amabel y safe den Caribe.