Page 33 - ATA
P. 33
Gwndelyne Kwidama ta logra drenta den e top 10 na Miss Mundo, y na 1994 Srta.
Alexandra Ochoa a representa Aruba na Hapon pa prome biaha na Miss International y
aki un biaha mas Aruba su nomber ta resona como Prome Finalista, y Na 1996 ainda ta
fresco den nos memoria ora cu na Las Vegas, Nevada Srta. Taryn Mansell ta haci nos
hopi orguyoso y ta pone e nomber di Aruba hopi cerca di e corona di Miss Universo,
kedando como Prome Finalista mientras na December mes un aña Afra Henriquez a logra
posiciona su mes den e top 10 di Miss Mundo. Na 2000 Carolina Albetsz ta bira Miss
National Costume na Tokyo, Hapon, na e certamen di Miss International. Na 2001 Dione
Croes ta drenta den e Top 15 di Miss International, y te na Sur Africa Srta. Zeralda
“Zizi” Lee ta bolbe laga Aruba un isla asina chikito ariba mapa mundial, su nomber
resona, como Prome Finalista di Miss Mundo y 2002 Rachelle Oduber ta clasifica como
semi finalista den Miss Mundo. Y asina nos por menciona mas di otro mucha muhernan
Arubano cu a conkista diferente otro premio den diferente di e certamennan aki. Na 2002
tabata e prome biaha cu Aruba a participa na e certamen di Miss Earth, unda cu Srta.
Yuranney Toppenberg a representa Aruba, e aña ey e certamen tabata bau guia di Señor
Raymundo Atan Lee. 2007 y 2008 Aruba ta gana e titulo di Miss National Costume na
Tokyo, Japon na e certamen di Miss International cu Jonella Oduber y Nuraiza Lispier y
na 2011 Vivian Chow ta gana e titulo di Miss Goodwill Ambassador of beauty na Miss
International.
E 4 certamenan aki ta conta cu participacion di mas of menos 78 pa 120 pais tur aña,
unda cu prensa rond mundo y hopi persona amantenan di certamen ta sigui esaki di cerca.
Na 2015 tabata e ultimo certamen nacional di Srta Aruba unda cu a conta cu 10
participante pa representa Aruba tanto na Miss International y Miss Earth. 2016 pa falta
di cooperacion y sponsor, a dicidi di haci coronacion y a haci lo maximo pa por a manda
un representante na ambos certamen tanto na Miss International y Miss Earth.
