Page 15 - BNDIA ARUBA

A15
HENDE Diaranson 18 october 2017
Proyecto di Feria Social den fase final

ORANJESTAD - Den e prome lunanan di e aña aki, Centronan di Bario, YMCA y
Teresita Center a entrega un proyecto cu lo wordo completa via hobennan bolun-
tario y sosteni door di sector priva. Boluntarionan ta trahando duro pa caba cu e
proyectonan pa e fin di luna aki.

E proyectonan ta encera: Instalacion di speeltuin, crea un area di gym, crea un luga unda
hobennan por topa, organisa anochi di pelicula y diferente weganan den bario y mucho mas.
Mas di 80 hoben entusiasma a participa den e edicion aki di Feria Social. Fuera di haci trabou
boluntario e hobennan a ricibi diferente training personal entre otro liderazgo y maneho di
proyecto.
Durante varios luna CEDE Aruba, cu ta e organisado di e proyecto Feria Social, a yuda guia
y monitor, hoben boluntarionan cu a traha conhuntamente cu directivanan di Centronan di
Bario pa asina termina nan proyecto pa e Centro.
Recientemente CEDE Aruba a organisa pa tur boluntario cu a forma parti di Feria Social, un
actividad recreativo duna pa Reach Your Goal Foundation y Elsa Krosendijk. E meta di e ac-
tividad aki ta pa e boluntarionan a conoce otro miho, socialisa y crea relacion positivo cu otro.
Feria Social ta laga sa cu nan ta orguyoso pa den su etapa final. E anochi final mes lo tuma luga
e prome siman di november.