Page 70 - MIN JUS 28 JUNE 2017

entre otro trahadonan di e refineria, pero esey ta desapuntante. "Di otro banda e
gastonan medico di AZV ta halto y tambe ta desapuntante. Pues no ta descarta
completamente cu mester bin un contribucion mas grandi e aña aki for di e
presupuesto (di gobierno pa cubri e defiticit aki)". E colegio a papia den su conseho
riba e disputa cu tin entre gobierno y AZV riba e suma cu mester e aña aki. "E asunto
ta crea si e discusion cu si bo no kier independisa e entidad aki completamente"
Bakker a sigui bisa. Tin berdad mas forma pa yega na fondo extra, pero Bakker a opta
pa no dedica mucho atencion na e tema aki e momento ey. "Esaki ta un asunto di
Aruba. E cuido medico den tur pais ta un asunto y tin varios manera con por soluciona
esaki. Tin varios manera con por haya un grip riba e situacion riba e gastonan cu ta
sigui aumenta" Bakker a bisa. Pero e presidente saliente di e colegio no kier a toca
mas riba e tema den e conferencia di prensa.

REACCION DI MINISTER SCHWENGLE RIBA E TEMA

'Wishful thinking' tabata loke minister di Salud Alex Schwengle a bisa NoticiaCla riba
e pensamento di CAft pa haci AZV autosuficiente y financieramente independiente.
Ora cu e conseho di e colegio di supervision financiero a sali riba e.o. e tema aki, e
portal aki a acerca e mandatario pa su comentario. Segun Schwengle, e pensamento di
CAft no ta nada nobo. "E tema no ta di awor, ta aña den aña afo. Tur aña bo ta tende
mesun cos di Raad van Advies (RvA) tambe y CAft" e mandatario a bisa. E aña aki
CAFt ta relata cu tin un discrepancia riba e suma cu AZV mester, y cu mester wak si
por independisa y haci'e financieramente autosuficiente.

IDEANAN 'LEUK EN AARDIG'

Segun e mandatario, e dos instancianan ta sali di e punto di bista cu Aruba ta un pais
grandi. "Nan ideanan ta leuk en aardig, pero nan no ta mir'e den contexto di
kleinschaligheid" e mandatario a sigui bisa. E pensamento ta pa saca e 'AZV
constructie' completamente for di man di gobierno. Esaki ta significa cu e directie ta
100% responsabel pa e presupuesto. E ta significa tambe cu nan tin cu percura pa si
tin mester di placa, pa subi e prima, sin discusion cu ningun partner social. "Bo ta wak
esey pasa na Aruba? I dont think so" e mandatario a sigura e portal aki. Tambe segun
e mandatario, e dos instancianan aki ta haci manera cu ta placa priva esaki ta. "Mas cu
90% di e placa ta placa social. Full e placa ta sociaal geld. E ta bin di pueblo" e
mandatario a bisa. Ela repasa pasado unda cu e sistema di PPK tabata 75%
dependiente. E otro grupo tabatin SVB of seguro particular. "Nan tabata trata manera
Dios y e PPK mester a warda. Semper tabata asina. Nos tur a toler'e, pero nos niun no
tabata happy cu ne. Esey tabata puur discriminatie". AZV a kita esey pa un gran parti.