Page 73 - MIN JUS 28 JUNE 2017

Dimas ta atende casi 500 hende diariamente

Tuesday, 27 June 2017 21:07
Comparti

Pasa di 7’or di mainta, tin rijnan largo, hende ta para pa busca nan ticket pa nan por haya servicio.
Dimas tin un trafico pisa di hende. Kathy Paskel, kende ta directora di Dimas, ta splica cu nan ta atende
tur tipo di peticion. Nan tin permiso regular, cual ta bay a base di cita, esta dia y ora cu el a wordo duna,
cual e cliente a haci online. Esey tambe ta conta pa e producto cual ta extension di estadia turistico, cual
tambe ta haci online. Ta scoge e dia y ora cu kier bin pa atende y haci aplicacion. Fuera di esey tin
servicionan cu ta walk in. Ta atende riba base diario un promedio di 220 hende cu ta bin haci pregunta
na e recepcion y tin tambe hendenan cu a wordo avisa cu tin algo pa nan cla na Dimas, sea cu ta un carta
of un permiso of negacion, di cual nan lo bin Dimas pa busca un number pa acudi na e balie di afgifte. Ta
parti a base diario 220 number. E fluho di hende ta basta halto. Pa esunnan cu ta bin den curso di dia,
por bisa cu tin 160 hende cu ta bin riba cita regular. Pa e parti di permiso regular y mas of menos un 40
cu ta bin pa extension di estadia turistico. Riba un dia normal di trabao, Dimas ta atende sigur riba 500
hende cu ta drenta y sali na diferente momento.
Esunnan cu ta topa mainta, probablemente lo ta hendenan cu ta bin pa servicionan cu no tin cita. Nan tin
y tuma nan number. Tin un sistema cu e persona por sinta y wordo yama na momento cu ta su turno.
E sistema aki ta e manera pa maneha e fluho abao, pa e hendenan no para den rij. Tin clientenan cu sea
nan no a compronde algo online of kier bin entrega algo na recepcion y e personanan ey lo acudi riba
base diario na Dimas. E fluho di hende na Dimas ta basta halto, segun Kathy Paskel.