Page 7 - AB

DIARANSON 17 SEPTEMBER 2025 DIARIO PAGINA 31
Un pelea a obliga e barco crusero di

mas grandi di mundo pa regresa Miami

algun ora despues di a sali

MIAMI: E barco crucero
Wonder of the Seas di
Royal Caribbean a regresa
PortMiami dialuna 15 di
september, despues cu a
surgi un pelea abordo cu a
laga varios pasahero adulto
herida. E situacion a afecta
directamente huespednan
di e barco crucero mas
grandi di mundo, cu a sali

e mesun dia ey pa Baha-
mas. E incidente a forsa
e interupcion di e biahe y
intervencion di ekiponan
medico y di seguridad, bi-
rando un di e episodionan
recien mas significante den
e industria di crucero.
Segun informacion confir-
ma pa instancianan manera
Local10 y e blog speciali-
sa Royal Caribbean Blog,
e tripulacion di e barco
mester a brinda atencion
medico na esnan afecta
prome cu nan a yega waf.
Personal di Miami-Dade
Fire Rescue a responde
na e terminal maritimo
pa atende cu emergencia
medico. Royal Caribbean
a bisa den un comunicado
cu e compania mesora a
notifica autoridadnan local
y ta colaborando cu e in-
vestigacion andando riba e
incidente.
Wonder of the Seas, un
barco di clase Oasis lansa
na 2022, ta transporta te
cu 6.988 pasahero y tabata
nabega un ruta cortico pa
Bahamas. E incidente ta
destaca e medidanan di
seguridad y e protocol cu
e liñanan di crucero sa im-
plementa riba situacionnan
similar, segun e normanan
vigente pa e industria cru-
cero na Merca.
E pelea a tuma luga algun
ora despues di salida for di
Miami, riba e prome dia di
un itinerario di cuater ano-
chi cu a inclui Bahamas,
segun informenan compila
pa Local10. Testigonan a
indica cu e confrontacion
a envolve adultonan, cu
algun a rekeri evacuacion
medico pa diferente heri-
da.