Page 7 - AM211110

Diaranson, 10 November 2021 AWEMainta.com 7

Ausencia di Minister Xiomara

Maduro den tripartite hustifica

Hopi reaccion a surgi ayera

relaciona cu e hecho cu Minister

di Finansa di pais Aruba, Xiomara
Maduro, no a atende e reunion

tripartite dialuna ultimo entre
Corsou, Sint Maarten y Aruba.

Den fin di siman e mandatario di

Aruba a biaha pa Corsou pa atende
un asunto priva, caminda un famia

di dje a drenta enlace matrimonial
y no a regresa na tempo pa participa

den e reunion.

Esaki a lanta un ola di critica
riba e hecho cu e Minister a pone

asuntonan priva personal prome

cu asuntonan general di e pais,
pero en realidad esaki no tabata e

caso.

AWEMainta a mustra esaki den

su edicion di ayera caba, esta
cu e tripartite aki a percura pa

palabracionan fructifero y positivo,

pero cu en realidad tabata logronan
sin mucho perspectiva mirando e

situacion cu e tres paisnan aki den
Reino Hulandes ta confrontando

cu Hulanda.

Pues por deduci cu e conclusion

cu Minister Maduro a saca

inicialmente, ta cu e tipo di reunion
aki lo no tin mucho perspectiva pa

bira algo concreto y beneficioso,

pues e no a mira e necesidad pa no
pone un asunto familiar prome cu

e reunion aki.
E situacion financiero di e tres

paisnan lo no cambia despues di e

reunion di dialuna ya cu e situacion
cu Hulanda a keda mesun cos y por

lo pronto lo no por spera mucho
cambio tampoco den esaki.