Page 44 - ARUBA BANK

Siman pasa, lider di fracion di MEP, Rocco Tjon MBA, a skirbi un articulo na Hulandes.

E titulo, traduci na papiamento, “Transformacion Politico: di mal gobernacion pa bon

gobernacion”. Den e articulo aki a enfoca riba e rol di Caft y e mal maneho di e gabinete

anterior cu a conduci na e situacion financiero desastroso actual di pais Aruba.

Tres punto Tjon a trece pa dilanti. (1) Segun Tjon, Caft a faya como cu nan ta e organo

cu a wordo institui pa wanta “toezicht” y mester a percura pa Aruba yega na un finanzas
publico saludable. (2) Tjon a haci e pregunta si ta etico cu e meta di algo ta wordo logra

door di maniobra nan inetico. Den e caso aki cu e normanan di Laft ta wordo logra riba
papel door di registra cifras nan cosmetico. Y por ultimo lider di fraccion di MEP a (3)

enfatisa riba e hecho cu e ciudadano Arubiano tawatin e derecho di confia cu bao di

supervicion di Caft e bienestar di Aruba, enbez di fechoria di e gabinete saliente, lo a

wordo salvaguardia. Y pa e motibo ey Tjon a bisa cu aworaki ta na su luga pa Caft tene

cuenta den nan conseho cu e “herstelpad”.

Riba e articulo di Rocco Tjon, a bin reaccion di Hulanda, den persona di Andre Bosman,

un miembro di parlamento di e partido VVD. Remarcable ta cu Bosman a reacciona riba

e articulo di Tjon, riba facebook y na Top fm 95, sin keda al caso y insinuando cu

Hulanda no tin autoridad pa por a interveni.