Page 45 - ARUBA BANK

Ayera na radio por a tuma nota con Tjon, den detayes y cu tur documentacion, a

substancia e hecho cu Hulanda, segun e Laft, y atraves di Statuut, por a interveni. Apesar

di esaki, Tjon a confronta Bosman cu e hecho cu tin documentacion cu den “Tweede

Kamer” Bosman mes a wordo informa cu e posibilidad di intervencion di parti Hulanda

ta exisiti.

Pa loke ta trata e “Citgo-deal”, un biaha mas atraves di documentacion, Tjon a mustra cu

esaki ta un responsabilidad mutuo y ta riba conseho di un “quick-scan” haci door di

Hulanda, Aruba a firma un MOU pa cuminsa e negociacionnan. Y pa loke ta trata esaki

den un debate na radio, Tjon a mustra Bosman atraves di documentacion cu Hulanda a

instrui Caft pa controla e desaroyo di e refineria y tene cuenta cu efectonan di esaki den e

presupuesto.

Pa termina Tjon a puntra Bosman, “Si segun e, Hulanda no tin ningun responsabilidad pa

cu e hecho cu e situacion bao supervision di Caft a sigui empeora, dicon Bosman a

reacciona riba un articulo cu solamente ta cuestiona functionamento di Caft y mal

maneho di gabinete saliente?”

Un debate na radio caminda Tjon na un manera hopi sarcastico y cu puntonan valido, den

idioma Hulandes, a mustra Bosman riba responsabilidad di Hulanda. Remarcable ta cu

Bosman no a trata di contradici Tjon riba su ponencianan cu Caft a faya, pero solamente

a bin bek riba e “quick-scan” di Citgo.

Pa termina Tjon a splica cu como pueblo nos mester ta conciente cu algun luna pasa

Bosman tawata critica Eman y awe e ta critica Evelyn Wever-Croes. Cueste loke cueste

Bosman kier laga mustra como si fuera cu Hulanda no tin ningun responsabilidad den

esaki.