Page 47 - MIN ARENDS

Den 4 aña den 5 ocasion empleadonan publico por a bay cu
VUT

Thursday, 29 June 2017 21:18
Comparti

Tin di compronde cu a activa VUT atrobe. Segun Omaira Lares, directora di DRH, e peticion ta bin cada
biaha pa empleadonan por bandona servicio haciendo uzo di VUT.

Esaki, ta di 5 biaha durante ultimo 4 añanan, ta haciendo uzo di VUT regeling. E ta mesun cos cu e
ultimo biahanan, no tin nada cu a cambia den e contenido di e VUT, pero si cu awor aki ta habri e aña aki
den Juli y Augustus y tambe cu e ta hopi estricto pa loke ta trata no laga kaderpersoneel bay. Por a
experencia cu por ehempel pa motibo di salud a laga un persona cu ta kader, cu ta un hende studia riba
WO Niveau, cu por a haci uzo di dje, pasobra e no tabata funciona tampoco. Asina a haya cu diferente
caso den corte. Awor aki e ta hopi mas estricto cu kaderpersoneel no por haci uzo di dje.

Mas hende ta wordo tuma
Segun Lares, tin departamento cu tin hende cu ta bayendo cu pensioen. Por a ripara cu tin diferente
colega a bira adulto y a fayece tambe. Nan ta tuma retiro tambe y mester sigui haci e trabaonan. No ta
asina cu un hende ta desaparece y e trabao no tey mas. E trabao ta stop di existi tambe. Si tin
departamento cu tin mester di empleado pa sigui traha y poco poco, a base di maneho tambe riba tereno
financiero, e departamentonan cu schaal, manera un belastingdienst, un CAD, Directie Financien, tambe
mester di hende cu por cumpli cu e tareanan cu ta wordo poni. Eynan ta tumando hende berdad, pero ta
mas tanto kaderpersoneel. Den e otro departamentonan por bisa cu ta pipita pipita ta drenta.

Baha cantidad di personal
Tur caminda den tur departamento por papia di vet. Pasobra tin hopi ambtenaar, tin hopi empleado
publico. Tin departamentonan cu ta overlap otro. Ta un tarea cu ta bay wordo haci den e proximo aña, cu
ta analisa loke ta trata functiehuis, cual ta e departamentonan cu por organisa mas miho cu ta yuda otro.
Ta papia por ehempel riba tereno di ICT. Lares su departamento mes ta wordo yuda of ta yuda otro
departamentonan cu nan ICT. E parti tambe di HR, por ehempel DRH tambe ta tuma hende como HR
den departamento y ta yuda otro departamentonan tambe. E discusion di si mester kita hende of ta dificil
pa haya hende, DRH ta purba na yege na con por organisa e departamentonan mas flexibel, mas
funciona cu por traha mas efectivo. Esey ta loke cu DRH ta para pe.