Page 20 - MIN VOS 23 JULY 2015
P. 20
AWEMainta Diahuebs, 23 Juli 2015 19
Den e Weganan Panamericano Toronto 2015
Odor y Helmeyer a
obtene un di
12 LUGAR OVERALL
DIARAZON mainta Weganan Panamericano 2015 a inicia p’e deporte
di bowling aki na Toronto, Canada.
A inicia cu e weganan den team masculino unda nos representantenan
Jason Odor y Bryan Helmeyer a hunga contra di otro 13 pais presente den
e PanAm Bowling Centre.
E hungadornan di Aruba mester a hunga un total di 6 wega.
Mester bisa cu Odor y Helmeyer a conoce un comienso poco floho unda
nan no por a haya e ritmo desea den e prome dos weganan y aki nan tabata
ocupa un di 13 lugar.
Pero segun e weganan ta avansa nan a haya un tiki di e ritmo di wega
aunke tabata falta e consistencia, asina mes nan a logra subi dos puesto
ocupando un di 10 lugar cu un total di 1575 pin tira, pero den wega 5 nan
ta cay bek na di 11 lugar cu un total di 1942 pin.
Faltando un wega mas pa bay e duo di Aruba no a mehora den nan wega
y asina ta keda na di 12 lugar riba e prome dia, cu un total di 2317 pin.
E scorenan final pa Bryan Helmeyer den 6 wega tabata 155, 234, 237,
204, 210 y 211 pin pa un total di 1251 pin, mientras e scorenan
final di Jason Odor den 6 wega tabata 160, 188, 215, 182, 157
y 164 pin pa un total di 1066 pin.
Awe diahuebs e duo di Aruba lo bin den accion un bes mas den
team, mientras diabierna Bryan Helmeyer como Jason Odor lo
bin den accion ora nan lo mester hunga e weganan individual.
