Page 25 - MIN VOS 23 JULY 2015
P. 25
AWEMainta Diahuebs, 23 Juli 2015 5
Amsterdam Manor Beach Resort a ricbi nan
EarthCheck Master Achievement Award
RECIENTEMENTE Amsterdam Manor Beach
Resort a ricibi nan Master Achievement Award pa di
dos biaha for di Earth Check representando mas di 15
aña consecutivo ricibiendo e certificado menciona.
Amsterdam Manor Beach Resort a ricibi nan prome certificado
di EarthCheck Certification na aña 2000 y actualmente t’e
único hotel na Aruba cu a logra esaki. Pa obtene e Earthcheck
Master Achievement Award ta rekeri un compromiso extenso
di ful e personal pa por logra ricibi mihor resultado den termino
di sostenibilidad tur aña.
Amsterdam Manor Beach Resort semper a mustra hopi
dedicacion pa por destaca como un resort sostenible y nos
ta hopi contento cu award aki Jullian Jaramillo, EarthCheck
Coordinator di Amsterdam Manor Beach Resort ta comenta.
EarthCheck ta un programa diseña especialmente p’e industria
turistico y biahe. Tambe nan ta pone enfasis riba e factornan
importante manera consumo di awa, energia, produccion y
e compromiso cu nan tin. Pa mas informacion di EarthCheck
bishita nan pagina web www.earthcheck.org of e pagina di
web www.amsterdammanor.com of nan pagina di Facebook:
www.facebook.com/AMBRARUBA.
