Page 6 - BRANDWEER APRIL 23'15
P. 6
Curso di “Brandweer Officier” ta hopi importante pa nos isla
W ednesday, 22 April 2015 16:33
Comparti
Actualmente ta tumando luga na Aruba, cu participacion di dos miembro di Cuerpo di Bombero y
Rescate Aruba, un curso cu certificacion Hulandes pa “Brandweer Officier”. E curso aki ta hopi
importante pa Aruba y e otro islanan, di acuerdo cu Guy Roumans, e “hoofddocent” di IFV (Instituut
Fysieke Veiligheid),cu ta e academia di Brandweer di Hulanda.
El a splica cu e islanan di Caribe Hulandes tin mester di officiernan pa maneha incidentenan di escala
grandi y ta costa menos y ta mas facil pa ofrece e curso aki den Caribe mes pa esunnan cu ta biba y traha
den e region aki. Guy Roumans a bisa cu entre otro Comandante di Brandweer Aruba, Ing. Edward de
Cuba tambe a haci e curso aki, pero na Hulanda.
Organisando e curso mas cerca di cas ta haci posibel pa mas persona sigui e curso. Roumans a comenta
cu esaki semper ta miho pasobra cu mester mas di un “officier” den un Cuerpo di Bombero pa asina no ta
semper e mesun persona tin “dienst” y por comparti e tarea entre mas persona.
E docente a remarca cu ta spera, hunto cu e comandantenan di Brandweer di Caribe Hulandes, cu e
Gobiernonan di e islanan sigui pone fondo disponibel pa e cursonan aki por sigui.
E curso actual ta wordo facilita pa docentenan di e islanan cu sosten di docentenan di Hulanda. E curso
ta dura mita aña y e lesnan ta wordo duna den bloknan di dos siman y ta encera teoria y practica.
Despues di Boneiro, Sint Maarten y Aruba, ta falta un blok di les mas cu ta wordo duna nan Boneiro. E
ultimo blok ta wordo cera cu un siman extra pa e examen, cu ta wordo duna tambe na Boneiro. Roumans
ta di opinion cu lo ta bon pa e curso bira un proceso permanente, pasobra semper tin “officier” cu ta
retira.
E programa a wordo bon planea y cu un bon desaroyo, naturalmente tin studiante cu ta bay mas lihe cu
otro, pero e docentenan semper t’ey pa asisti studiantenan cu mester di ayudo, el agrega. Guy Roumans a
conclui bisando cu e siman aki durante di e training na aeropuerto el a nota cu e calidad di trabao di e
studiantenan ta sigui subi y nan ta notando caba beneficio di e lesnan.
Cuerpo di Bombero Aruba ta existi desde aña 1976, como un departamento independiente. Prome cu
esey e tabata parti di e trabounan di Polis. Awendia e ta conta cu 160 empleado, di cual 112 ta traha
activamente cu combatimento di candela. E empleadonan ta parti den 3 diferente post, situa na San
Nicolas, na Aeropuerto y na Tanki Flip. Pa aña nan ta responde na mas o menos 1600 melding, cu ta
varia entre combatimento di candela, rescate, yudansa special y trabounan na aeropuerto.
W ednesday, 22 April 2015 16:33
Comparti
Actualmente ta tumando luga na Aruba, cu participacion di dos miembro di Cuerpo di Bombero y
Rescate Aruba, un curso cu certificacion Hulandes pa “Brandweer Officier”. E curso aki ta hopi
importante pa Aruba y e otro islanan, di acuerdo cu Guy Roumans, e “hoofddocent” di IFV (Instituut
Fysieke Veiligheid),cu ta e academia di Brandweer di Hulanda.
El a splica cu e islanan di Caribe Hulandes tin mester di officiernan pa maneha incidentenan di escala
grandi y ta costa menos y ta mas facil pa ofrece e curso aki den Caribe mes pa esunnan cu ta biba y traha
den e region aki. Guy Roumans a bisa cu entre otro Comandante di Brandweer Aruba, Ing. Edward de
Cuba tambe a haci e curso aki, pero na Hulanda.
Organisando e curso mas cerca di cas ta haci posibel pa mas persona sigui e curso. Roumans a comenta
cu esaki semper ta miho pasobra cu mester mas di un “officier” den un Cuerpo di Bombero pa asina no ta
semper e mesun persona tin “dienst” y por comparti e tarea entre mas persona.
E docente a remarca cu ta spera, hunto cu e comandantenan di Brandweer di Caribe Hulandes, cu e
Gobiernonan di e islanan sigui pone fondo disponibel pa e cursonan aki por sigui.
E curso actual ta wordo facilita pa docentenan di e islanan cu sosten di docentenan di Hulanda. E curso
ta dura mita aña y e lesnan ta wordo duna den bloknan di dos siman y ta encera teoria y practica.
Despues di Boneiro, Sint Maarten y Aruba, ta falta un blok di les mas cu ta wordo duna nan Boneiro. E
ultimo blok ta wordo cera cu un siman extra pa e examen, cu ta wordo duna tambe na Boneiro. Roumans
ta di opinion cu lo ta bon pa e curso bira un proceso permanente, pasobra semper tin “officier” cu ta
retira.
E programa a wordo bon planea y cu un bon desaroyo, naturalmente tin studiante cu ta bay mas lihe cu
otro, pero e docentenan semper t’ey pa asisti studiantenan cu mester di ayudo, el agrega. Guy Roumans a
conclui bisando cu e siman aki durante di e training na aeropuerto el a nota cu e calidad di trabao di e
studiantenan ta sigui subi y nan ta notando caba beneficio di e lesnan.
Cuerpo di Bombero Aruba ta existi desde aña 1976, como un departamento independiente. Prome cu
esey e tabata parti di e trabounan di Polis. Awendia e ta conta cu 160 empleado, di cual 112 ta traha
activamente cu combatimento di candela. E empleadonan ta parti den 3 diferente post, situa na San
Nicolas, na Aeropuerto y na Tanki Flip. Pa aña nan ta responde na mas o menos 1600 melding, cu ta
varia entre combatimento di candela, rescate, yudansa special y trabounan na aeropuerto.
