Page 30 - AVP

Booshi Wever Di UPP Ta Constata Cu Atrobe

Problema Cu Personanan Nombra Dor Di Ex-Minister

Otmar Oduber Den Aparato Gubernamental

 Featured

 Politica
- 27/02/2020

UPP a bin ta denuncia for di comienso di e gobernacion actual POREDMEP, actonan
fuera di lo comun cu primordialmente a tuma lugar den departamentonan cu ta resorta
bou di Otmar Oduber. Nos denuncia contra e forma cu Serlimar, sin ningun escrupulo y
cu bendicion hasta di Gobierno y e miembronan di Parlamento cu ta apoya e coalicion, a
wordo maneha. E denuncia aki a wordo ampliamente argumenta y cu hopi documento
como prueba!

Nos a bin compronde cu e Director di Serlimar cu a wordo retira, lo a acerca un oficina di
abogado pa evalua un caso den Corte contra e decision pa retira su persona. Si enberdad e
caso resulta den Corte, esaki probablemente por brinda ainda mas claridad di e corupcion
di dia cla cu a tuma lugar na Serlimar bou di e maneho di Otmar Oduber.

Y esaki ta bou instruccion di Otmar Oduber??!! Y ki rol e Raad van Toezicht a hunga den
henter e asunto aki?