Page 32 - AVP

E candidato di POR no t’esun cu tambe ta encarga cu otorgamento di tereno comercial
desde 2009? Aki bale la pena un investigacion forensico pa saca afo cu no ta mesun
modus operandi ta aplica cu Benny Sevinger tabata aplica tempo di e Gobierno AVPOR.

Remarcabel den e caso aki ta cu tur dos contractant no a haya “toegangsontzegging” y
por keda traha comosifuera nada no a pasa. Obviamente pa nan dos deshaci di tur prueba
cu lo por incrimina nan??

Esaki ta un practica mafioso cu ya ta conoci di Otmar Oduber. Parce cu e comerciante lo
a haci un suplica pa su nomber no wordo divulga, pa evita di por wordo confronta
publicamente cu e acto bergonsoso aki.

Si enberdad e comerciante aki ta invulcra den e corupcion aki, ta increibel con e persona
aki por presta su mes pa tipo di cosnan asina. Te ainda parce di tin un silencio hermetico
encuanto e caso aki. Unda e Parlamentarionan cu ta cuestiona tur dia e maneho
desastroso y corupto di e Gobierno anterior di AVPOR, a keda???

Unda e Minister a keda of e personanan a bira tambe “untouchable”, manera t’e caso di
Otmar Oduber, Alan Howell y e Hunta di Supervision di Serlimar??? E comerciante ta di
confia ainda, ya cu e Gobierno a duna su persona e funcion importante pa eherce un
cambio na un instituto importante manera HOH??

Si resulta cu enberdad fraude a tuma lugar na DIP cu otorgamento di kavel, kico esaki lo
bay nifica pa tur esnan cu a paga pa por bin na remarke pa un kavel y no a haya esaki??

Nan lo haya nan placa bek? En todo caso UPP ta keda insisti cu no por cera wowo pa
ningun tipo di fraude of corupcion y cu esaki tambe mester wordo atendi cu tur seriedad
di e caso.

No mas bagamunderia mester wordo tolera y Ministerio Publico mester duna cara y
atende di inmediato cu Otmar Oduber pa evita mas tipo di bagamunderianan asina, segun
Booshi Wever.