Page 38 - AVP

ORANJESTAD (AAN) —
Mientras Aruba mester soluciona un problema financiero sumamente serio den un crisis
mundial cu no ta permiti ningun planificacion, tempo precioso ta bay perdi pa

miembronan di gobierno y parlamento anterior trata di hustifica loke nan a haci cu
placa di pueblo.

DIARIO, a base di informacion concreto cu cifranan y informacionnan cu e por entrega

na cualkier persona cu asina ta desea, for di 2018 ta papia di e loke Contraloria General
a descubri ora el a bay investiga kico Gobierno anterior a haci cu Un Biyon Florin di
Aruba y lo a haci cu Mey Biyon mas, si nada a pasa.

Pa informa Aruba, DIARIO ta presenta prueba hancra den rapportnan oficial cu
lamentablemente ta bay perdi den e lama bruto di politica na Aruba, cu ta stroba e
proceso democratico di e pais, cu ta exigi pa bienestar di Aruba ta na prome luga.

Na e momentonan aki Parlamento mester atende cu e rapportnan di Algemene
Rekenkamer Aruba, cu ta e organo oficial di Aruba cu mester dicidi con placa di e pais a
wordo gasta y si a honra e leynan cu ta describi con mester a gasta placa.

Mester papia di un vigilancia historico di Algemene Rekenkamer Aruba di gastonan di
proyectonan cu a wordo realisa pafo di e cifranan acorda dor di Parlamento cu a
sostene gobierno anterior.