Page 39 - AVP
P. 39
E proyectonan PPP tin resultado asina grandi pa Aruba, cu Algemene Rekenkamer
Aruba a cuminsa cu un investigacion separa y independiente riba e forma cu 1.6 Biyon,
cu ta 1.6 Mil Miyon, a wordo poni dor di Parlamento anterior na disposicion di gobierno
anterior sin e preparacionnan debido.
Awe mester resumi e desaster financiero di Aruba cu su dos fuentenan di origen. E
debe nacional di un banda y di otro banda e proyectonan PPP pa pueblo paga den e
proximo 20 añanan.
E maximo control di placa di pueblo di Aruba a bira realidad cu e investigacion di
Algemene Rekenkamer Aruba, cu leynan di Aruba a encarga cu e control financiero di
Aruba y di vigilancia directo di tur placa cu politiconan ta gasta di pueblo di Aruba den
gobernacion cu asistencia di miembronan di parlamento.
Camara di Comercio tabata uno di e instancianan na Aruba cu a pinta pa pueblo e
peliger grandi di e proyectonan PPP den e situacion cu Aruba tabata conoce ora a
introduci e peso extra pa pueblo di Aruba.
Awe cu pueblo mester paga resultado di e maneho cu a wordo hiba te 2017, un
controversia ta lanta mientras Aruba ta prepara pa bay atende cu su cifranan oficial di
futuro cu lo ta marca pa e herencia di pasado.
Den e situacion di confusion cu ta wordo crea, e berdad di e realidad no ta bini dilanti.
No ta contrincantenan politico a lansa e rapportnan y vigilancia di e proyectonan di Bo
Aruba pero ta e autoridad maximo pa vigila maneho financiero di Aruba ta na timon di
control pa evita cu Aruba ta pasa dor di vangrail di e brug cu mester hiba Aruba futuro.
Ora scucha reaccionnan riba e cifranan y berdadnan cu ta bini dilanti pa defende loke a
pasa cu placa di pueblo, mester lansa e pregunta si ta mentira e autoridad financiero
mas halto di Aruba ta propaga contra gobierno y parlamento anterior.
Awe ora miembronan di gobierno anterior y miembronan di parlamento cu a sostene
gobierno anterior bay contra e pasonan cu ta wordo tuma y informacionnan cu ta bini
dilanti, nan no ta bay contra contrincantenan politico, pero contra e instancia oficial pa
controla gobernacion.
