Page 20 - AM211013

Diaranson, 13 October 2021 AWEMainta.com 20

Joran van der Sloot ta

‘bibitu i colando” den prizon na Peru

Joran van der Sloot posando pa un periodista di e
korant Peruano Cuarto Poder resientemente......

LIMA - E notorio ya no asina hoben mas fo’i dia ku el

a mata un mucha muhé Merikano na Aruba, Joran van
der Sloot, ta ketu bai prezu na Peru den un dje prizonnan
mas infernal dje pais den serunan haltu den un region

inhospitalario.
Ainda e ta sintando kastigu pa asesinato di Stephany Flores,
yiu di un koredó di outo profeshonal Peruano ku ta move
tera i shelu pa evitá ku van der Sloot lo sali liber un dia.

Porsierto ku e pór tabata liber kaba, pero e ta manera
alakran: Manera e haña un chèns e ta hasi malu i pika ken
ku ta. E tabata será den un prizon relativamente mas sivilisá

kompará ku e sukursal di fièrnu kaminda e ta aktualmente,
pero el a bai pasa droga i nan a garé.

E ta será den e prizon di maksimo seguridat Challapalca
pasobra manera e mes ta rekonosé: M’a komportá malu”.

Periodistanan di televishon Sur Amerikano tabatin masha
dia ku no a buska su drechi pero siman pasá nan a regla un
entrevista kune den su sèl den prizòn.

Riba pregunta dje periodistanan e ta kontesta ku un sonrisa
ku ta pasobra el a komportá malu i a splika ku ta promé
biaha ku a duna pèrmit pa entrevisté den e prizon.

E periodista ku ta entrevisté ta introdusi Joran komo “...
asesino, estafador, i chantahista i ladron....” den presensia
di Joran, kende ta pará den porta di su sèl promé ku e laga

nan drenta.
Ta di dos biaha ku e ta será den e fièrnu di Challapalcafor di
yuli despues di tabata será for di 2014 den prizon di Piedras
Gordas, pasobra nan a atrapé ku un telefon ilegal den su sèl.
E prizon ta na un altura di 4000 meter den serunan di Andes

serka di frontera ku Bolivia. Tin gritunan internashonal ku
ta pidi pa sera e prizon, pasobra e ta un fièrnu kaminda na
lugá di kayente anochi ta 20 grado Celsius bou di sero.

Na aña 2010 a arestá Joran van der Sloot i dos aña despues
a kondené na 2 aña di kastigu di prizon pa asesinato di
Stephany Flores.
Te ainda nan ta sospechá ku te a mata Natalee Holloway na

Aruba na 2005. Parse ku el a sufri di Coronavirus, pasobra
su famianan a pidi remedi pe, pero no a tende nada mas.
E periodista Hulandes John van den Heuvel a bishit’é na

2016 i a konstatá ku el a bira masha flaku i mentalmente
kibrá.
Asina mes el a mustra alegre durante e entrevista ku e
periodista Peruano.....