Page 68 - MIN JUS 20 JULY 2015

AWEMainta Diasabra, 18 Juli 2015 15

Monique Palm a anuncia e situacion
financiero dificil di Mary Joan Foundation

MARY Joan Foundation (MJF) kier a informa comunidad di Aruba cu nan ta pasando den

situation financiero critico.
MJF ta existi danki na donacionan of actividad di fundraising cu nan ta organiza.
Fundacion no ta ricibi subsidio for di ningun instancia ni Gobierno.
Na aña 2012 a entrega un peticion pa subsidio financiero na Minister di Economia/
Asunto Social y Cultura, sra. Hooyboer-Winklaar, cual a wordo aproba den Parlamento.

Lamentablemente na aña 2014 a ricibi un carta di Minister di Asunto Social, drs.
Paul Croes, caminda fundacion a wordo notifica cu dor di cortamento den caha di
Gobierno, MJF lo no ricibi e suma aproba.
Mary Joan Foundation (MJF) ta un fundacion conoci den comunidad cu ta sostene
esnan cu ta pasando den e enfermedad di cancer na pecho.
Fundacion den e momento aki tin 5 aña di existencia. Comunidad sa cu MJF
no ta para keto y nos ta preparando un actividad den luna di augustus pa
recauda fondo como tambe pa sigi cu e trabou cu fundacion ta duna
diariamente.

Cifra di cancer na pecho na Aruba no ta bahando. E trabou cu
MJF ta extende n’esnan diagnostica cu cancer na pecho ta hopi
valios pa nan y nan famia. E sosten ta wordo duna den forma
di 2 profesional, esta un trahador Social y un psicologo.
Banda di esey funadacion ta ofrece actividadnan Yoga,
Fitness, Sosten den grupo como tambe actividadnan
social cual ta yuda nan pasa e momentonan dificil y
yuda nan cu nan autoestima.

Fundacion kier a gradici e comunidad di Aruba di
antemano pa un biaha mas uni nan mes pa cu e causa
y yuda nos surpasa e momentonan dificil aki.
Cu boso sosten den no actividad na augustus Fundacion
MJF lo por sigi brinda su servicio n’esnan cu mas mester
di dje.