Page 71 - MIN JUS 20 JULY 2015

18 AWEMainta Diasabra, 18 Juli 2015

A sera un dia completo pa por celebra hunto den famia

Empleadonan fiel di Kowloon Restaurant
a disfruta di un Dia di Famia

KOWLOON Restaurant a sigui

celebra su 40 aniversario den luna
di juli, hunto cu Aruba henter.
Celebracion di 40 aña sigur ta inicia
y ta termina cu bon ideanan pa
celebra cu e clientela, pero mas cu
tur otro pa celebra cu e empleadonan
cu a sa di t’ey den tempo bon y tempo
menos bon. Nan t’e berdadero
pilarnan di e compania!
A funda Kowloon Restaurant na aña
1975 dor di Neto y Vilma Arends,
kendenan a introduci un menu
cu lo pega y cu lo forma e base di
entretenimento pa hopi famia.
E restaurant tin un cantidad di mas
cu 30 fiel empleado cu durante e
luna di juli ta cla pa sirbi e pueblo
di Aruba cu un menu special p’asina
celebra e 40 aña di fiel servicio di e
restaurant number uno di Aruba.

Y ta famia ta loke a keda semper
primordial p’e grupo di empleado
aki y asina dialuna ultimo, 40
aña despues, e mesun famia ta
celebra cu un “family day” unda
empleadonan a celebra riba The
Palm Island cu wega, anecdota y
hopi solo y diberticion. Di e manera
aki a yama nan tur danki pa servicio
incondicional, loyalidad y bon
trabao.

En conexion cu celebracion di nan
40 aña, Kowloon Restaurant ta
ofrece e posibilidad na momento di
take away of na momento di disfruta
hunto cu bo famia of amistadnan un
dushi cuminda, pa saca bo potret den
un bunita photoframe di Kowloon.
Bo por publica esaki riba bo pagina
personal di Facebook y “tag”
Kowloon Aruba aden of post di
inmediato riba e pagina di Kowloon
y esun cu haya mas “like”, lo gana
Afls. 100,00 na Gift Certificate pa
disfruta di un dushi cuminda na
Kowloon Restaurant.

E prome ganadornan tabata Maggy
Lewis y Kenny Meyers. Tur dialuna
lo saca e ganador cu mas likes riba
su potret.