Page 54 - AHATA
P. 54
unicamente agentenan di biahe tabata e unico hendenan cu por a vota, pero desde 2017 e la bira posibel tambe
pa usuarionan vota y asina expresa nan mes. Na Hulanda tin mas o menos un total di 30 negoshi di turismo
dentro di e sector di biahe. “Nos ta masha honra y orguyoso cu pa e di dos biaha dentro di tres aña nos a gana e
premio prestigioso aki como e miho oficina di turismo na Hulanda. Cu hopi entusiasmo, creatividad y amor pa
nos trabou, nos ta purba crea interes entre e biahero potecial pa asina nan por scohe Aruba como nan siguiente
destino di vacacion. Cu nos a gana e premio excepcional aki pa di dos biaha den un tempo asina cortico ta
mustra no solamente e confiansa den nos oficina, pero tambe ta indica e eficaz di nos esfuersonan” segun
A.T.A. Area Director di Europa, Sr. Tirso Tromp.
CEO di Aruba Tourism Authority, Ronella Tjin Asjoe-Croes a expresa: “Nos ta orguyoso di nos ekipo na
Europa. Un ekipo cu ta traha cu dedicacion y cu ta eherce nan tarea no solamente pa e mercado di Hulanda,
pero tambe pa e region di Europa den su totalidad. Un region importante, cu ta forma parti integral di Aruba su
strategia di diversificacion. Pabien y danki na e ekipo completo.”
https://arubanative.com/2020/01/27/pa-di-dos-biaha-den-tres-ana-aruba-a-logra-gana-premio-mayor-
como-e-miho-oficina-di-turismo-na-hulanda/
