Page 56 - AHATA

Ta base di e informacionnan cu a bay perdi na Hospital di Aruba, mundo a haya e
oportunidad mas grandi pa na tempo tuma accion a base di informacionnan di pashent
registra.

E hecho cu por a sigui e informacion di pashent a haci mas facil pa bati alarma na tur
hospital na paisnan desaroya cu por a duna informacion crucial riba nan experencia. Cu
Corona Virus pues a keda confirma con importante pa e informacionnan di pashentnan
ta cuidadosamente registra.

Corona Virus tin su origen na un pais, pa cual advertencia mundial a sali di tur pais.
Advertencia pa evita di biaha pa China a wordo tuma na tur pais, cu tambe ta atenta pa
cualkier indicacion cu e malesa por a wordo transporta pa medio di biahero.

Esaki ta nifica cu den mundo di biahe y turismo ayera a desaroya panico pa biaha pa
exterior, sigur despues cu e cantidad di pais cu a conoce e casonan aki a sigui subi pero
tambe a bira conoci cu hende por tin e Virus sin cu nan ta na haltura.

Tin companianan di aviacion y aeropuertonan cu a dicidi cu nan ta exigi pashentnan
midi si nan tin keintura. Personanan cu ta tosa, mester tuma nan temperatura na cierto
luganan.

Con prepara Aruba ta pa cualkier caso sospechoso cu mester presenta? E prome
necesidad cu Aruba mester cubri ta e posibilidad pa isola un posibel pashent
inmediatamente. Pues na momento cu descubri un persona cu e problemanan di salu cu

ta indica cu e persona por tin e malesa, mester isola e persona aki.

E dirigente di Asociacion Mundial di Salud ayera a biaha personalmente pa China,
caminda hospitalnan nobo ta wordo construi.

Turismo rond mundo ta pendiente resultadonan di e investigacion y na diferente forma
ta wordo trata pa baha e grado di panico cu a surgi cu e malesa nobo, cu a plama pa
varios luga.

Pa Aruba pues ta sumamente importante pa ta prepara pa resultadonan cu e panico
mundial por tin pa turista.