Page 50 - KPA MAY 28

Prioridad pa e Bombero ta su mesun siguridad y di otro
hende
Thursday, 28 May 2015 12:02

Comparti

Ora un aviso di candela ta drenta, e team completo na warda ya sa kico nan funcion pa e dia ey ta. Riba e
truck ta bay seis persona y nan tareanan ta wordo determina na cuminsamento di nan warda.

Tin un chauffeur, kende ta hiba e personal y e auto na e luga y ta ocupa su mes cu detayenan manera e
conexion di hydrant. E chauffeur alaves ta e “pompbediende” cu ta pone e pomp traha, “number 1” y
“number 2” ta e prome nan pa combati e candela, pues si mester drenta den un luga, etc. “Number 3” y
“number 4” ta asina yama “waterploeg” y ta yuda prepara, drecha y mantene e sistema pa numbernan 1 y
2 haya awa. “Number 4” tin como tarea adicional pa asisti e chauffeur cu su trabao.

Erwin Emerencia ta bevelvoerder na Cuerpo di Bombero y ta splica cu e prome cos cu e team mester haci
ora nan yega na un candela ta pa busca y percura pa señala y/of kita for di caminda peligernan pa nan mes
y pa otronan. Esaki por encera e proceso di desconecta y move un boter di gas. E parti di kita coriente, por
ehempel, ta tarea di e bevelvoerder y e trahado di ELMAR cu ta na warda. E colaboracion cu ELMAR ta
specialmente importante ora cu e bevelvoerder no por haya e caha di coriente pasobra sea esaki ta den e
parti cu tin peliger grandi of e ta poni na un luga cu no ta facil pa yega. Den e casonan aki, ELMAR ta kita
e coriente for di conexion principal cu ta bay e cas.

Emerencia ta remarca cu e ta tende e keho cu brandweer a tarda pa yega of a tarda pa drenta pa combati e
candela, pero publico mester semper tene na cuenta cu bomberonan no ta facilmente, ni simplemente
core drenta un candela, pero nan prome obligacion ta pa salvaguardia e siguridad di e ser humano, y esaki
ta conta pa nan mes y tur otro persona den e area di peliger.

Den e caso cu ta bisa cu nan a tarda pa yega, mester remarca cu ta un hecho cu Brandweer ta depende di e
yamada cu ta drenta na 911 of polis pa avisa nan cu tin un candela y na unda, y tambe e “link” mas
importante ta e persona cu a haci e melding. Sa pasa cu e candela ya tin minuutnan of hasta oranan caba
kimando, pero ta ora cu huma of vlamnan bira bisto of hende por sinti e holo, e candela ta wordo detecta y
ta wordo “gemeld”. Pa e ora ey, ya caba tabatin daño hopi grandi.

Emerencia ta elabora; alarmcentrale di Brandweer ta avisa esunnan na warda cu ta bisti nan paña special,
e asina yama “uitrukkleding”, y ta subi truck. Ora nan yega na e luga, nan ta wak rond prome y no por djis
yega basha awa of trek e slang pa loco, pero ta haci un sondeo lihe, dicidi unda y con ta drenta – si mester
drenta; na mes momento ta wak si tin peliger manera boter di gas conecta y ta elimina e peligernan
prome. Mas importante cu tur cos ta pa haya sa di biaha si por tin hende den e edificio of den e area di
peliger pa asina traha dirigi cu tur nan atencion pa rescata e persona prome cu cualkier otro accion.

E bevelvoerder ta dicidi unda ta “zet in” cua persona y nan ta cuminsa combati e candela. Emerencia ta
comenta cu e obstaculo mas grandi cu Brandweer ta topa cune ta portanan di hero na candal. Ademas,
despues cu kibra e prome candal pa drenta por conta riba cu lo tin un di dos porta na candal su tras; esaki
ta tuma mas tempo ainda di Brandweer pa por yega na e candela.

Brandweer ta purba yega semper mas cerca posibel di e obheto unda cu e candela a cuminsa, e origen.
Nan ta getrain pa busca esaki, observando, aunke cu poco visibilidad, den ki direccion pa bay, sea
siguiendo e concentracion di huma, calor, etc.

Esaki tambe tin su retonan, pasobra mayoria biaha tin hopi huma y, ademas nan no conoce e edificio di
paden pa sa unda nan por pasa mas facil, nan ta drenta “blind” den e luga. Tur factor di e infrastructura di
un edificio ta hunga un rol den e accion di paga candela, manera e grandura di e edificio, si e ta mas di un