Page 51 - KPA MAY 28

piso, etc.
Cuerpo di Bombero ta traha pa rescata hende y bestia y ta pasa cu frecuencia cu nan ta wordo yama pa
bestianan manera cabrito, burico of cacho cu a cay den pos of pushinan cu ta subi palo di luz of den mata
y no por baha nan so.
Tambe, Brandweer ta asisti personanan cu yama meld lek di gas via di 911. Nan ta bay na e cas of negoshi,
desconecta y kita e boter di gas prome y despues ta pone e caso den man di Arugas. Den tur caso cu
Cuerpo di Bombero atende, nan ta tuma paso pa elimina e peliger y ta tuma contacto cu otro servicionan
concerni si ta necesario.
Cuerpo di Bombero Aruba ta existi desde aña 1976, como un departamento independiente. Prome cu esey
e tabata parti di e trabounan di Polis. Awendia e ta conta cu 160 empleado, di cual 112 ta traha
activamente cu combatimento di candela. E empleadonan ta parti den 3 diferente post, situa na San
Nicolas, na Aeropuerto y na Tanki Flip. Pa aña nan ta responde na mas o menos 1600 melding, cu ta varia
entre combatimento di candela, rescate, yudansa special y trabounan na aeropuerto.

http://www.24ora.com/local-mainmenu-5/95653-prioridad-pa-e-bombero-ta-su-mesun-siguridad-y-di-
otro-hende