Page 9 - MINISTER OTMAR ODUBER, APRIL 11,2015

awemainta.com Online Diasabra 11 di April 2015

Aruba Summer Music Festival cu

Aristanan manera
Carlos Vives, Elvis
Crespo, Jerry Rivera

y Nicki Jam
aki na Aruba

20 MINISTER di Turimso Otmar Oduber hunto cu Oficina di

Turismo, organisadornan SD Concerts y Loco Lobo Production a
presenta durante un conferencia di prensa un magno concierto cu
lo tuma luger den luna di juni.
E mandatario a bisa cu manera a bin ta propaganda Producto
Aruba riba un nivel halto internacionalmente, e festival aki ta
dirigi netamente riba e Mercado Latino.
E festival aki cu lo tuma lugar dia 26 y 27 di juni lo sa di compli-
menta un serie di festivalnan cu Aruba ta organiza.

Aki ta trata di atraccion na prome lugar di e bishitante riba isla,
pero tambe naturalmente esaki ta carga e ‘return of investement’
pa loke t’e aspecto di social media y cu ta haye e propaganda pa
Pais Aruba, e mandatrio ta indica.
E proyecto aki ta un proyecto unda un compania local Loco Lobo
Production conhuntamente cu e experticio y conocemento cu
ta existi sercanan y tambe naturalmente SD Concerts, ta pone e
festival aki di calidad riba pia.
Ya caba ta conta cu confirmacion di artistanan renombra manera
Carlos Vives, Elvis Crespo, Jerry Rivera y Nicki Jam pa menciona
algun, mientras lo anuncia durante e proximo dos simannan nos
dilanti e resto di artistanan cu lo forma parti di e line-up p’e fin
di siman aki.
Minister Oduber a splica cu e motibo pakico ta sostene y atrae e
tipo di festivalnan aki pa Aruba, ta pa atrae e bishitante afluente,
e bishitante cu ta busca e aventura, cu ta busca e ‘challenge’ den
e destinacion cu nan ta bishita, mirando cu nan t’esnan cu tin e
entrada pa por bishita y contribui na nos economia.

Pero naturalmente esaki su efecto no ta solamente durante e
weekend cu e festival ta tuma lugar, pero e efectonan postomo
di e festival aki ta pone e destinacion y den e caso aki producto
Aruba riba e nivel di e calidad di producto hopi halto cu a bin ta
propaganda.
‘Nos ta pionero di festivalnan di Jazz, nos ta pionero di festivalnan
di moda, nos ta pionero di festivalnan di cine cu a tuma lugar
aki y un biaha mas Aruba ta pone un paso fiho pa loke ta trata e
industria di turismo pa atrae e turista di calidad halto pa Aruba,’
Minister Oduber ta bisa.