Page 14 - AM240823
P. 14
14 INTERNACIONAL AWEMainta Diabierna, 23 Augustus 2024
Di cinco curpa recupera despues cu
superyacht a sink cerca di costa di Sicilia
E barco luhoso, cu tabatin 22 persona abordo,
a bolter durante un tormenta violento cerca di
Porticello, Sicilia, despues cu un hoos marino
a causa daño severo n’e yate. Mientras 15
persona a wordo rescata, seis otro, incluyendo
figuranan prominente Britanico y Mericano, a
wordo raporta perdi. E chef di e yate, Ricardo
Thomas, a wordo identifica como e prome
victima.
Esfuersonan di rescate a continua, cu autori-
dadnan Italiano trahando incansablemente pa
localisa e individuonan perdi. Sinembargo, e
buskeda a wordo complica p’e condicionnan
dificil bou di awa, ya cu e naufragio ta keda
50 meter profundo. Buceadonan ta enfrenta
obstaculonan significante, incluyendo
gangnan smal den e yate y tempo limita bou
di awa. A pesar di e dificultadnan aki, cuater
curpa a wordo recupera diaranson, cu un di
cinco localisa pero ainda no recupera.
A localisa un di cinco curpa den e buskeda p’esnan perdi di e superyacht
“Bayesian,” cual a sink mas trempan e siman aki cerca di e costa di Sicilia. E sinkmento di e yate di 56 meter a lanta
preguntanan entre expertonan maritimo. E
barco, un di e mas grandi di su tipo, tabata
ancra mas o menos mey miya for di Porticello
ora el a wordo golpea p’e tormenta.
Imagennan di camara di siguridad a captura
e momento prome cu e yate a bolter, must-
rando con e tabata wordo sacudi violenta-
mente p’e tormenta prome cu desaparece bou
di e olanan den apenas 60 seconde. E condi-
cion di tempo extremo cu a conduci n’e inci-
dente a wordo describi como un “black swan
event”—un suceso raro y impredicibel.
Mientras operacion di rescate ta continua,
investigadonan ta keda intriga p’e sinkmento
rapido di e yate. E ‘UK’s Marine Accident
Investigation Branch’ (MAIB) a anuncia cu un
ekipo di inspector lo wordo manda pa Palermo
pa conduci un evaluacion preliminar di e
escena. Mientras tanto, ta spera cu ekiponan
di buskeda lo reanuda nan esfuersonan den
marduga, mientras e speransa di haya sobre-
vivientenan ta disminui.
