Page 16 - AM240823
P. 16
16 INTERNACIONAL AWEMainta Diabierna, 23 Augustus 2024
Zr.Ms. Tromp ta bolbe bishita Corsou despues di 12 aña
E Barco di Marina Hulandes Zr.Ms. Tromp riba Dialuna 26
augustus proximo lo mara na Willemstad. Ta 12 aña pasa cu
e fragata di comando y defensa aereo tabata na Willemstad
pa un bishita den waf. T’e ultimo waf cu e barco di Marina
ta bishita prome cu e bolbe bek cas despues di casi 6 luna.
Dialuna 26 di augustus proximo, publico por mira e entrada
ceremonial di Zr.Ms. Tromp for di 09.30 di mainta na Bahia
di Santa Ana. Aki Zr.Ms. Tromp lo dispará 21 tiro di saludo
na honor di e bandera di Reino y Gobernador di Corsou. E
saludo aki lo keda contesta cu 21 disparo di saludo desde
Fòrti Krommelijn, despues di cua e barco lo nabega drenta
Bahia di Santa Ana y lo dispará un biaha mas 21 tiro di
saludo.
Pacific Archer
E biahe cu a dura seis luna, cu e nomber Pacific Archer, ta
den e luz di desaroyo di siguridad y stabilidad den Oceano
Pacifico, fortalecemento di cooperacion internacional,
promocion di siguridad maritimo y e apoyo di cumplimento
cu e ley y regulacionnan internacional riba lama. Durante
e biahe aki e barco di Marina a traha den estrecho colabo-
racion cu aliado y socionan y a participa den varios eher-
cicio internacional, incluyendo e ehercicio maritimo mas
grandi RIMPAC na Hawaii. Ademas di ehercicionan e barco
a keda tambe desplega na un paso liber na Lama di China
Sur, y den e Bab-El-Mandeb, contra di atakenan di parti di
Houthi. E biaha e cuminsa na Den Helder, atrabes di Laman
Mediteráneo nan a nabega bay Pacifico Indio y atrabes di
region Caribe e barco lo bay bek direccion cas.
Zr.Ms. Tromp
Zr.Ms. Tromp ta un di e cuater fragatanan di comando y
defensa aereo di Marina Real. Ademas di e 200 miembronan
di tripulacion na bordo tambe tin un helicopter NH-90. E
barco di Marina ta ekipa cu sistemanan avansa di radar y
arma. Di e forma aki e barco ta capaz pa reconoce mena-
sanan aereo, pa sigui esaki y neutralisa nan, y cu esaki e
ta hunga un rol crucial den e tareanan di defensa aereo di
Marina.
