Page 38 - AM240823
P. 38

38 COMUNIDAD                                                   AWEMainta                                          Diabierna, 23 Augustus 2024





         Registra e proyecto pa bo scol y haci e soño di innovacion pa bo scol bira realidad

        Ciclo 8 di e proyecto di innovacion Edutech ta habri





       DESPUES di  un ciclo 7  exitoso, a  habri
       ciclo 8 di e proyecto di innovacion tan
       gusta, Edutech. Pa por participa, scolnan

       por aplica y registra desde awor caba  te
       cu dia 21 di October 2024. Prome Minister
       Evelyn Wever-Croes a indica cu Gobierno di
       Aruba a pone 100 mil florin disponibel p’e

       proyecto aki, p’asina por cumpli cu soño di
       mas o menos 3 á 4 scol.

       Mirando cu esaki ta un oportunidad grandi

       p’asina  scolnan  por  haya  financiamento
       pa materialnan  di digitalisacion, Prome
       Minister ta encurasha tur e alumnonan di
       scol pa uni hunto cu nan mayornan, docen-

       tenan, y otro alumnonan p’asina traha riba
       e proyecto di innovacion pa nan scol desea.
       E ta bon pa analisa hunto kico en realidad
       e scol lo tin mester y/of ta desea pa facilita

       educacion, y traha esaki p’asina tin e opor-
       tunidad di gana.

       Prome Minister a indica cu e ciclo 8 aki ta

       cera un total di 800 mil florin cu Gobierno
       a bin ta pone durante e ultimo 2 añanan,
       pa yuda cu materialnan di digitalisacion
       pa scolnan. E ciclo  aki, probablemente

       lo  t’e  ultimo  ciclo  di Edutech.  E  idea aki,
       di Gobierno di Aruba hunto cu Futura, a
       wordo introduci pa yuda e scolnan adkiri
       materialnan  digital  necesario  p’asina

       haci e proceso di  educacion n’e scolnan
       mas  agradabel  y  eficiente.  Awor  a  yega
       momento pa traspasa e proyecto di inno-
       vacion pa Minister di Enseñansa p’asina e

       ministerio encuestion por sigui cu esaki.

       “Mirando cu e proyecto di Edutech ta asina
       gusta pa scolnan,  mi a haci mi maximo

       esfuerso pa hacie 1 aña mas, pero a
       yega momento pa traspasa  esaki  pa un
       otro ministerio. Mi ta spera cu Minister di
       Enseñansa  tuma esaki over y sigui  cu e

       proyecto di innovacion p’e scolnan. Pa cu
       e ciclo aki, mi kier pidi tur alumno pa traha
       e proyecto desea pa bo scol segun e rekisi-
       tonan, presente p’asina bo por tin e opor-

       tunidad pa gana y haci e soño di bo scol un
       realidad”, Prome Minister a expresa.
   33   34   35   36   37   38   39   40   41   42   43