Page 8 - Min.Vos 18 April'15

Diasabra 18 di April 2015 O nlin e awemainta.com

Dia 22 di mei Medaya di brons pa Aruba
gran apertura di su seleccion di landamento
campeonato di riba prome dia di CONSANAT
Fast Pitch di ASB

DIAMARS ultimo Directiva di Aruba Softball Bond a reuni

pa trata dos agenda. Uno tabata e programa pa entrena-
dornan Canades cu ta yegando Aruba 26 di april, mientras
e di dos punto tabata programa campeonato 2015 cual lo
inicia dia 22 di mei.

Un reunion bastante largo unda hopi desicion a wordo tuma
p’asina caba di prepara tur rekesito.
ASB a tuma decision unanimamente na dos personahe na
kende campeonato 2015 lo wordo dedica. Un masculino y
un femenino y despues di informa e personanan den curso
di otro siman lo publica esaki. Tambe ta pidi e teamnan
prepara un madrina pasobra cada equipo mester presenta
cu un madrina y lo scoge e madrina di aña 2015 cu lo rep-
resenta ASB henter e temporada.

P’equipo mihor uniforma tambe lo bay tin un premio spe-
cial. Ta stimula tur equipo pa nan ta completo na apertura
comokiera cu lo tira lot pa wak ken lo hunga. Tur cos ta
mustra cu lo bay tin 2 wega riba e fecha di apertura.

ASB lo tin un grupo di Harley Davidson cu lo trece tur e
madrinanan den tereno. Asina tin bastante mas sorpresa pa
cu e dia di e gran apertura. Fecha pa entrega lista y efectua
pago lo ta diarazon 6 di mei 7pm di anochi den Trappers
Club y aki lo informa tur miembronan di mas detayes.
Pues equiponan cuminsa prepara pa nos por tin un bunita
campeonato.

ARUBA su seleccion di landamento actualmente ta na Lima, Peru pa participa den e XXV Campe-

onato CONSANAT.
E Campeonato Sur Americano ta un competencia hopi fuerte y pa nos landadonan semper ta un
experiencia hopi diferente cu e competencianan den Caribe y Centro America. Riba e prome dia
Aruba a logra pasa pa final den varios evento, pero na final di anochi, Daniel Jacobs tabata e unico
di nos ekipo cu por a logra gana un medaya.
Den 50 m liber cu record personal 25.27. Daniel a gana e medaya di Brons pa Aruba.
Brandon Cheong den 50 m pecho cu record personal di 31.96 a keda na di 5 lugar. Mikel Schreuders
a presenta den final di 200m Wisselslag den cual e a sali na di 6 lugar cu 2:10.30. Aruba su relevo
mixto den categoria 13-14 a cuminsa e anochi, pero no por a logra mehora nan tempo di mainta y
a keda na di 8 lugar.
Otro landadonan cu a logra yega final ta Flory Kock den 200 m liber (2:14.05), Rebecca Maduro
den 50 mariposa (30.20) y Anahi Schreuders den 100 m pecho (1:20.05).
Nos atletanan lo competi atrobe e dianan aki.

23