Page 4 - Min.Vos 18 April'15

awemainta.com Online Diasabra 18 di April 2015

Celebra Starbucks
Global Month Of Service:

Ban cana awe
diasabra den
un Fun Walk

Hunto cu Starbucks, IBISA y I Love Aruba

AWE t’e dia! Ban cana y tene curpa den condicion; na mes mo-

mento celebra luna di servicio na comunidad hunto cu Starbucks.
Durante e luna aki, tur Starbucks rond mundo ta pone atencion
na ‘Global Month of Services’. E aña aki un bes mas a pone enfasis
riba e importancia di un bida saludabel y e movecion fisico cu
ta rekeri pa mantene e curpa ‘op en top’.

Ya pa 2 aña consecutivo e caminata a resulta un gran exito,
esey mes t’e motibo cu e aña aki a dicidi pa cumpli cu demanda
popular y un bes mas organisa e caminata.
E aña aki ta bolbe uni forsa cu IBISA pa realisa e evento dedica
na salud y ta yama bon bini na un otro organisacion cu ta join e
‘fun walk’, esta I Love Aruba.

Pa participa n’e caminata awe diasabra por registra na Starbucks
Renaissance Marketplace. Tur entrada di registracion lo bay pa
Aruba Animal Shelter.

E caminata lo sali awe tardi pa 5:30pm for di Fishermen’s Hut rumbo pa Arashi. Tur participante tin
chens di gana premionan atractivo despues di e caminata.
Esnan cu ta desea di participa n’e caminata aki cu nan T-shirt por cumpra esaki na Starbucks Re-
naissance Marketplace; ideal pa un grupo di amigo(a), famia, colega. Durante di e caminata lo tin
animacion y musica dor di DJ Oscar Booy.
Starbucks ta invita pueblo di Aruba pa forma n’e caminata di awe diasabra y celebra nan ‘Global
Month of Services’.

18