Page 22 - KPA NOV 17 2015
P. 22
DIAMARS 17 NOVEMBER 2015 DIARIO PAGINA 9
Nan motor a daña patras di California Lighthouse
Polis a rescata piscadonan local
Ta adverti usuarionan cu lama ta bruto!
ORANJESTAD (AAN): E trabou di Polis ta encera mucho
mas cu parti boet y gara ladronnan. Siendo defensornan di ley,
Polisnan ta ocupa varios rol na diferente sitio. Polisnan Maritimo
por ehempel tin un rol pa salba bida di hende. Esey ta precisamente
locual nan a logra den forma exitoso dialuna mainta, despues di a
haya un yamada suplicando pa ayudo mesora.
E dos piscadonan P. Bislip y B. Werleman tabata pisando den
e boto “Dendrick” di 31 pia na un distancia di 3 miya west di
California Lighthouse ora cu e “transmission” di e motor di boto
a daña. Polisnan maritimo a sali den boto pa 10:30am pa brinda
asistencia na e duo den e boto y a logra trece nan bek na waf di
Barcadera pa 2:30pm, despues di 4 ora di un lucha feroz riba
lama pa lastra e boto.
Cuerpo Policial ta adverti usuarionan di lama cu e ultimo dianan
aki ta nota cu lama ta bruto. Consecuentemente ta conseha pa bay
cu cautela y pa percura cu tur boto tin nan ekiponan di siguridad
abordo, cu sin duda lo ta di masha yudansa ora presenta problema
riba lama.
